Të shkaktosh një faull të rrezikshëm në ndeshjet e kampionateve gjermane duhet ta pyesësh veten mirë, pasi përveç me lojtarin e dëmtuar, do kesh probleme edhe me shtetin. Një rast i tillë ka ndodhur me dëmtimin e Marko Rojsit më 3 mars të këtij viti në duelin mes Dortmundit dhe Dinamo Drezdenit në 1/8-at e Kupës së Gjermanisë.
Faulli i shkaktuar nga Denis Erdman po hetohet nga policia dhe prokuroria dhe lojtari i Drezdenit rrezikon ndëshkime ligjore. Marko Rojs kërkohet të jetë dëshmitar dhe si pala e dëmtuar. Çfarë ndodhi Denis Erdman i ndërhyn Rojsit pa top nga prapa në kavilje dhe në kofshë, ashtu siç tregohet edhe në foto, transmeton Panorama Sport.
Si pasojë, Rojs dëmtohet dhe del nga fusha. Për fat të mirë, dëmtimi nuk ishte serioz, thjesht një hematomë në kofshë. Por, një ditë më pas, policia e Drezdenit heton kundër Erdman duke e paditur për dhunë fizike. Në atë ndërhyrje nuk bëhej fjalë për faull, por për dëmtim me qëllim eliminimin nga Kupa. Kjo padi shkruhej në denoncimin e policisë numër 301000- 043782-15/3. Arsyetoj si një “plagosje” me qëllim. Këtë njoftim, Marko Rojs e mori me post nga policia e Drezdenit. Gjatë një prononcimi për “Bild”, agjenti i Rojsit, Dirk Hebel, pohon:
“Është e vërtetë që Rojs është kërkuar si dëshmitar dhe si i dëmtuari në këtë mes, por ai ka hequr dorë nga kërkesa e prokurorisë për të bërë denoncim. Gjithashtu, Rojs nuk do që Erdman të ndiqet penalisht”. Vendos prokuroria Në këtë situatë vendos prokuroria nëse do ta hetojë më tej çështjen. Çështja është e bazuar në ligj nga Gjykata e Lartë e Hamit në një rast në vitin 2010 kur një lojtar amator u dëmtua rëndë, aq sa nuk ushtroi dot profesionin si piktor për 2.5 vite. Lojtari që shkaktoi faullin humbi gjyqin dhe pagoi 50 mijë euro si dëmshpërblim. Në rastin e Rojs, Erdman rrezikon gjobën ose dënim me kusht. /tesheshi.com/
