Ndërpritet kthimi fizik i pronave për një kohë të pacaktuar, pasi do të bëhet verifikimi i plotë i vendimeve të marra që nga viti 1992 dhe për të cilat janë paraqitur ankesa nga pronarët.
Qeveria ka vendosur në një mbledhje të mëparshme që të pezullojë kthimin e pronave për një periudhë të pacaktuar.
Bëhet fjalë për kthimin fizik, pasi qeveria ka udhëzuar Agjencinë e Kthimit dhe Kompensimit të Pronavedhe ALUIZNI-n që të plotësojnë vetëm dosjet e kompeensimit.
Por kjo sigurisht që nuk do të bëhet nga qeveria aktuale por si gjithnjë ‘kur të mbushet buxheti…’.
Ndërkohë që legalizimet po kryhen normalisht edhe me sukses. Madje ndryshe nga premtimi i qeverisë, po legalizohen edhe lokale, hotele apo dhe objekte private, ka stopuar kthimi i trojeve kryesisht në Tiranë dhe qytete të tjera.
Vendimi për pezullimin e kthimit është bërë pasi po verifikohen të gjitha dosjet për të cilat ka ankesa nga qytetarët dhe nuk janë dhënë në rregull.
Një komision i posaçëm në Kryeministri po shqyrton të gjithë procesin dhe pritet që të dilet rast pas rasti, duke përdorur edhe burimet e marra nga arkiva të huaja.
Kështu zyrtarë të AKKP-së kanë nisur të qëmtojnë në arkivat italiane dhe ato turke, vende të cilat kanë pasur administrimin e Shqipërisë dhe ku mund të gjenden dokumente origjinale për zotërimin e trojeve apo territoreve bujqësore.
Siç mësohet shoqata “Pronësi me drejtësi” pritet të bëjë një ankesë kundër qeverisë shqiptare për këtë çështje në Gjykatën Kushtetuese por edhe në strazburg, pasi ata e cilësojnë si shkelje të Kushtetutës, e cila garanton të drejtën e pronave.
Ndërkohë, AKKP-ja vetëm po hedh në sistemin dixhital dosjet aktuale të pronarëve dhe nuk është marrë asnjë hapje e re për kthime prone.
/tesheshi.com/
