Kampionati Botëror i vitit 2006 i mbajtur në Gjermani është rikthyer sërish në qendër të mediave gjermane e atyre botëroreve, pasi sipas disa publikimeve të fundit të gazetës Der Spiegel, Gjermania ka blerë votat e komitetit të FIFA-s, për të fituar të drejtën e organizimit të kampionatit botëror.
Siç shkruan gazeta në fjalë, Federata Gjermane e Futbollit kishte krijuar një fond të fshehtë ku përfshihej një shumë e caktuar e parave, por e gjitha kjo është bërë në mënyrë legjitime më qëllim që këto para të mos përdoren për qëllime të paligjshme.
Përdorimi i parave do të ishte një ngjarje e njohur për Franz Beckenbauer, atëherë shef i komitetit organizues , si dhe për presidentin aktual të DFB, Ëolfgang Niersbach.
Një llogari prej 6.7 milion eurove ishte lëshuar si pjesë e buxhetit për komitetin organizues.
Megjithatë, qëllimi i përdorimit të këtyre parave ishte anuluar , por në vend të kësaj ato janë përdorur për t`i siguruar votat e katër vendeve aziatike në komunitetit ekzekutiv të FIFA-s që përbëhet prej 24 anëtarëve, ku Gjermania ka fituar me vota 12:11.
Shoqata e futbollit Gjerman (DFB) po heton pagesat për Kupën e Botës që ishin bërë nga komiteti organizues, e që mendohet që këto para nuk janë përdorur për qëllimin e caktuar.
Beckenbauer dhe Niersbach nuk kanë dhënë asnjë shpjegim për gazetën Der Spiegel, por përgjigjje nuk kanë dhënë as dy nga tre kryesuesit e përfaqësuesve aziatik. I treti, Chung Mong-Joon tha që pytjet ishin të parëndësishme për t`u përgjigjur. /tesheshi.com/
