Në dëshminë e tij dhënë para CAS-it të Lozanës, trajneri i kombëtares shqiptare të futbollit, Gianni de Biasi ka rrëfyer edhe njëherë tjetër arsyet se përse nuk mund të vazhdohej më ndeshja e 14 Tetorit kundër Serbinë në Beograd.
Në dëshminë e tij dhënë para CAS-it të Lozanës, trajneri i kombëtares shqiptare të futbollit, Gianni de Biasi ka rrëfyer edhe njëherë tjetër arsyet se përse nuk mund të vazhdohej më ndeshja e 14 Tetorit kundër Serbinë në Beograd.
“Nëse në një Kopësht Zoologjik lëshojnë nga kafazi luanin duhet të ikim me vrap të shpëtojmë. Ashtu na ndodhi edhe neve. Nuk kthehemi dot në fushë se kishin hapur dyert e kafazëve. Na goditën! Kjo jo vetëm fizikisht, por edhe mendërisht, që për mua është goditja më e rëndë. Unë kisha vetëm një objektiv, të ktheja djemtë e mi në shtëpi shëndoshë e mirë”, ka thënë De Biasi. Ky detaj nga dëshmia e trajnerit të “Kuqezinjëve” është zbardhur prej SuperSport. Më tej trajneri italian, që para ndeshjes me Armeninë mori edhe shtetësinë shqiptare këmbëngul se askush nuk i ka kërkuar Shqipërisë që të rikthehej në lojë.
“Mua dhe askujt nga ne nuk na kërkoi askush të kthehemi në lojë. Nëse duhej të ktheheshim në fushë për të rrezikuar jetën ndoshta do e bënim, por nëse do të na e kërkonin diçka të tillë”, është shprehu ai.
Pyetjes së avokatit serb: “Po nëse do të vija unë dhe do t’ju thoja që luani është futur sërish në kafaz do të vinit”?, De Biasi iu përgjigj: Atëherë do të të thoja futu ti i pari”.
Përtej kësaj batute De Biasi ka deklaruar se ajo që ka përjetuar atë natë në Beograd ka qenë diçka e tmerrshme, të cilën ai nuk e kishte provuar asnjëherë gjatë gjithë karrierës së tij si futbollist dhe si trajner.
SuperSport zbardh edhe një faktor në favor të palës shqiptare; dëshmive të palës serbe në CAS. Sekretari i Federatës Serbe nuk u është përmbajtur atyre të dhëna më parë, duke çuditur gjykatësit të cilët kishin në dosje deklarimet e tij të mëparshme.
Gjithashtu dy nga dëshmitarët serbë janë tërhequr dhe nuk janë paraqitur. Sekretari i Federatës Serbe ka mohuar se gjendej në tunelin e dhomave të zhveshjes, siç kishte bërë të ditur më parë, ndërkohë që një tjetër detaj interesant është qartësuar nga propozimi për të boshatisur stadiumin, një ndër pikat e forta të palës serbe. Por kjo ka qenë vetëm një mundësi, pasi diçka të tillë mund të vendoset vetëm nga delegati i ndeshjes, i cili ka pranuar se asnjëherë nuk ka e shtruar këtë opsion.
Duka
Në një intervistë për Top Channel, presidenti i Federatës Shqiptare të Futbollit, Armand Duka sqaron gjithçka ka ndodhur në gjykatën më të lartë sportive, në Lozanë të Zvicrës.
“Seanca ka filluar në orën 5, ku janë dëgjuar dëshmitarët e paraqitur nga ne: kapiteni i skuadrës kombëtare shqiptare, Lorik Cana, trajneri Gianni De Biasi, si dhe dëshmitarët e Serbisë, kapiteni i skuadrës serbe dhe përgjegjësi i stadiumit të Beogradit. Gjatë gjithë kohës, nga ora 8 e mëngjesit e deri më tani (pasdite) janë dëgjuar dhe janë pyetur dëshmitarët e të gjitha palëve”, ka thënë presidenti Armand Duka.
Ndryshe nga Gjykata sportive e UEFA-s, në CAS është diskutuar për herë të parë edhe çështja e racizimit, një pikë e fortë kjo që i bashkëngjitet fakteve të tjera, se përse kjo ndeshje nuk mund të vazhdohej.
“Dëshmitë kanë qenë pothuajse të qarta se kjo ishte një ndeshje që nuk duhej vazhduar. Ajo që nuk u mor parasysh në Apelin e UEFA-s, është pikërisht akuza jonë është akuza jonë për racizëm, e cila është rikthyer sot këtu, në Gjykatën e Arbitrazhit Sportiv. Ne kemi pasur edhe një profesor të kriminalistikës, i cili ka argumentuar që ishte e pamundur të vazhdohej ajo ndeshje”, shtoi më tej presidenti Duka. Ajo që pritet me më tepër interes, është padyshim vendimi që do të marrë CAS-i, që është edhe shkalla e fundit e drejtësisë sportive, për të na dhënë atë çka na u mohua në dy shkallët e drejtësisë sportive të UEFA-s, 3-pikëshi në tavolinë.
“Trupi gjykues vetëm ka dëgjuar dëshmitarët, i ka pyetur edhe ai këta dëshmitarë, ndaj dhe do të marrë kohën e vet për të marrë vendimin që mund të zgjasë deri në 1 muaj”, deklaroi Duka.
A ka pasur ndonjë tentativë nga pala serbe për një marrëveshje për të riluajtur ndeshjen?
Armand Duka: Jo, jo nuk bëhet fjalë
