Ndërkohë që liderët politik kanë filluar negociatat për tejkalimin e krizës politike aktivistë të Lëvizjes BESA janë mbledhur para selisë së BE-së në Shkup në një aksion protestues për të shprehur mllefin për siç thonë përfaqësimin jo të denjë të shqiptarëve
“
Nuk jemi të kënaqur nga BDI dhe PDSH. Këta politikanë të korruptuar nuk mund të përfaqësojnë shqiptarët”, tha Faton Fazliu nga Lëvizja BESA.
Të rinjtë e Besës thonë se BDI e PDSH nuk mund të jenë përfaqësuese dhe kjo është parë qartë dhe në bisedat e përgjuara të publikuara nga opozita maqedonase.
Krerët e katër forcave politike janë takuar në një seri bisedimesh me nxitjen e BE-së që të zgjedhhin një qeveri tranzitore deri në zgjehdjet e parakohshme.
Kryeministri Nikolla Gruevski ka deklaruar se është gati të mbështesë një qeveri koalicioni me kusht që të jetë ai kryeministër.
Gruevski, gazetës Financial Times i tha se refuzon kërkesën për dorëheqjen e tij, por theksoi se është i gatshëm t`i pranojë propozimet e opozitës rreth shpërndarjes së vendeve ministrore dhe vërejtjet rreth mbajtjes së zgjedhjeve.
Sakaq, lideri opozitar Zoran Zaev, deklaroi se shansi i fundit i Gruevskit për të siguruar zgjedhje korrekte është që të jep dorëheqje para zgjedhjeve: “Nëse ai mbetet, asgjë nuk ndryshon”, tha Zaev sipas të cilit për partinë e tij, kruciale është që Gruevski të jep dorëheqje së paku 6 muaj para zgjedhjeve të parakohshme parlamentare.
Përgatiti Bekim Laçi-tesheshi.com
