Si Ferenc Pushkash për Hungarinë apo Lev Jashin për Bashkimin Sovjetik, Josef Masopust është ai që ka mishëruar futbollin në ish-Çekosllovaki, duke e çuar vendin në parajsën finale të së famshmes Kupës së Botës në vitin 1962 në Kili, kundër Brazilit.
Ish-ylli i ‘Dukla Praga’ është shuar sot në moshën 84-vjeçare në kryeqytetin çek.
Ishte ende aq i famshëm në vendin e tij, saqë lajmin për shuarjen e ish-futbollistit e ka dhënë “Klubi i miqve të Josef Masopust”, organizatë e cila kujdeset për trashëgiminë e tij.
Deri më tani nuk është specifikuar asnjë arsye e vdekjes së futbollistit. Masopust është fitues i Topit të Artë pikërisht në vitin e Kupës së Botës në Kili. /tesheshi.com/
