Prokuroria e Kosovës është tërhequr sot nga akuza ndaj djalit të Kryeministrit Isa Mustafa, i cili akuzohej për shkelje ndaj 1600 udhëtarëve të aeroportit të Prishtinës, të cilët u mashtruan pasi nuk iu paraqit avioni, ndërkohë që kishin paguar biletat.
Në procesin e zhvilluar sot, mbi një rast të vitit 2009, prokurori ka hequr dorë nga ndjekja penale e Besnik Mustafës.
Ndjekja penale ka pushuar edhe ndaj Selatin Ujkanit e Shefqet Çerkinit. Mustafa, Ujkani e Çerkini ishin punonjës të bankës BpB të akuzuar për shpërdorim detyre.
Prokurori e argumentoi vendimin e tij se gjatë shqyrtimit të deritashëm gjyqësor nuk janë gjetur prova për fajësimin e tyre.
Megjithatë ai nuk hoqi dorë nga ndjekja penale e katër të akuzuarve tjerë, pasi për ta tha se ka prova që ua vërtetojnë fajësinë.
Në këtë proces gjyqësor akuzohen dhe disa zyrtarë të Ministrisë së Transportit, ndërsa dy biznesmenë akuzohen për mashtrim.
Ky proces bëhet pas një hetimi mbi rastin e vitit 2009, ku 1600 u lanë të braktisur në aeroport ndërkohë që kishin blerë biletat për të shkuar në Gjermani.
Mbi Besnik Mustafën, djalin e Kryeministrit të Kosovës, është four edhe pak muaj me parë se ka përfituar një fond public për të rregulluar një automjet luksoz të zv.kryeministrit Thaçi në servisin e tij. Opozita e akuzoi Mustafën se kashmangur nga tenderi konkurentët e tij duke ia hënë të birit kontratën me qeverinë./tesheshi.com/
