Mensur Krasniqi
Listës së funksionarëve të lartë politik që vazhdojnë ta braktisin partinë më të madhe në pushtet të shqiptarëve në Maqedoni, BDI, pas Zylfi Adilit dhe Gëzim Ostrenit, tani i bashkangjitet deputetja Ermira Mehmeti.
Ajo ka folur edhe publikisht lidhur me shkaqet që kanë sjellë deri te largimi i saj nga BDI-ja. Mehmeti sqaron se për këtë vendim e ka njoftuar edhe kryetarin e BDI-së Ali Ahmeti, pasi ka vërejtur se hapësira për reformat e kërkuara është ngushtuar dhe nuk ka mbetur alternativë tjetër.
“Unë për vendimin tim e kam informuar kryetarin e partisë, ai e din se situata në parti seriozisht ka eskaluar dhe mendoj se shansi për të bërë reformën tashmë ka nisur të harxhohet. Ose reforma të menjëhershme ose alternativa tjera, nuk e përjashtoj faktin që unë të largohem nga BDI”, tha Ermira Mehmeti.
Pas njoftimit se Ermira Mehmeti po braktis BDI-në, nënkryetari i kësaj partie, Izet Mexhiti ka deklaruar se deputetja e BDI-së, Ermira Mehmeti, është pjesë e rëndësishme e ikonografisë së partisë së Ahmetit dhe se sipas tij, Mehmeti do të gjejë forcë për të tejkaluar dallimet.
“Ermira është një person i cili është pjesë e rëndësishme e ikonografisë së BDI-së, pra Ermira Mehmeti, është prodhim i BDI-së si kuadër, ndaj dhe mendoj se do të gjejë forcë për të kaluar këto dallime në qëndrime.”, deklaroi Mexhiti.
Sipas Mexhitit, partia e Ahmetit ka një demografi të brendshme e cila dinë t`i artikulon edhe zërat kritik siç është rasti i fundit me deputeten Mehmeti.
“BDI njihet për demokracinë e brendshme e cila ka ditur të krijojë hapësirë për zërat ndryshe që janë kritikë.
Kjo është karakteristikë e BDI-së deri tani. Unë nuk kam asnjë dyshim se kjo do të jetë karakteristike edhe në të ardhmen e BDI-së sidomos kjo tani që ndodh me Ermira Mehmetin”, shtoi Mexhiti.
Ndërkaq nënkryetari tjetër në rradhët e Bashkimi Demokratik për Integrim, thekson se partia tyre nuk e pengon dhe nuk i bënë lutje asnjë funksionari të saj apo deputetë që të mbetet në partinë e Ahmetit.
“Ne si strukturë e BDI-së nuk e kemi ndërmend që t’a lusim dikënd, nëse ai në mënyrë vullnetare nuk dëshiron të jetë pjesë e BDI-së”, ka thënë Bejta duke sqaruar se deputetja Mehmeti dhe çdo kush tjetër para se të braktisë partinë duhet të jep llogari se cfar rezultati ka arritur për shqiptarët e Maqedonisë. Kur individ të caktuar duan të largohen nga partia, që është e drejtë e tyre, mendoj se para se të largohen duhet të japin llogari se cfar kanë bërë gjatë angazhimit të tyre në BDI, për shqiptarët dhe gjithë shoqërinë në Maqedoni.
BDI e udhëhequr nga kryetari, Ali Ahmeti ka bërë shumë punë në interes për shqiptarët e Maqedonisë si në nivel lokal dhe në qendror .BDi cdo herë punon për të një ardhmëri më të mirë për shoqërin shqiptare”, ka theksuar Bejta për zhurnal duke paralajmëruar se shumë njerëz dhe funksionar kanë përfituar nga partia.
Ashtu siç mësohet, Ermira Mehmeti do të vazhdojë të veprojë në politikë por si deputete e pavarur. /tesheshi.com/
