Supa me speca të pjekur ofron shije të jashtëzakonshme dhe është shumë dietike. Ajo këshillohet të shijohet dhe përgatitet në mot të ftohtë, me shi, e përgjithësisht në dimër. Një super që ju ngop dhe është shumë e lehtë në kalori, yndyrna, karbohidrate, pa gluten, pa përbërje bulmeti. Hudhrat e pjekura dhe erëzat e bëjnë super të shijshme.
Përbërësit:
1 kg speca të kuq të ndarë përgjysmë dhe të pastruar (8-10)
5 thelpinj hudhra të qëruara
2 filxhan çaji qepë të grira
2 lugë gjelle vaj ulliri
2 gjethe trumze të mëdha (1 lugë gjelle pluhur)
2 gjethe dafinë
4 filxhanë çaji lëng pule ose perimesh
1 lugë çaji salce djegëse (Tabasco)
½ lugë çaji kripë
½ lugë çaji piper i zi
1-2 lugë gjelle uthull orizi
Përgatitja:
Pritini specat përgjysmë dhe hiqni të gjithë farat dhe membranat. Shtypini specat me dorë dhe vendosini në një tavë ku keni shtruar letër alumini. Vërini hudhrat mbi letrën e aluminit.
Piqini specat e kuq me hudhrat për rreth 15 minutash.
Kur ti jetë nxirë lëkura specave, hiqini nga furra dhe vendosini në një qese. Mbylleni atë dhe lëreni të avullojnë të mbyllura për 10 minuta.
Ngrohni një tenxhere në zjarr të mesëm. Shtoni vajin, trumzën, gjethet e dafinës dhe qepët. Gatuajini për 10 minuta, derisa qepët të jenë zbutur.
Shtoni lëngun e perimeve/pulës, salcën pikante, kripën dhe piperin. Shtrydhini thelpinjtë e hudhrës nga lëkura dhe shtojini në tenxhere.
Më pas qëroni lëkurën e çdo speci dhe hidhini në tigan.
Uleni zjarrin, dhe gatuajini të mbuluara për 20 minuta të tjera. Hiqni gjethet e dafinës dhe trumzës. Më pas me një mikser, zbutini derisa të krijohet një masë homogjene. Nëse po përdorni një mikser të jashtëm, mos harroni ta mbuloni tenxheren me një pecetë që gjatë përzierjes mos t’ju bjerë çdo gjë në bluzë.
Shtoni uthullën dhe kripën nëse ju duket e nevojshme
Servireni me gjethe të tjera trumze. Në foto do shikoni që për zbukurim është trashur pak kos me qumësht për të krijuar atë zbukurimin mbi supë. E bukur por jo domosdoshmërisht e nevojshme./tesheshi.com/
