Për herë të parë, një grua kryeson shërbimin sekret italian

Kryeministri italian Mario Draghi caktoi të mërkurën diplomaten e karrierës Elisabetta Belloni, gruan e parë në këtë post të ndjeshëm, në krye të shërbimit sekret.

Draghi ka zgjedhur ambasadoren Elisabetta Belloni për të kryesuar Departamentin e Informacionit të Sigurisë (DIS), ku ajo do të pasojë Gennar Vecchione, tha qeveria.

DIS, i cili varet drejtpërdrejt nga qeveria, ka për detyrë të mbikëqyrë veprimtaritë e dy agjencive të sigurisë – jashtë vendit dhe kundër spiunazhit të brendshëm.

Belloni mbajti disa poste prestigjioze në Ministrinë e Punëve të Jashtme.

Publiku italian mësoi emrin e saj midis 2004 dhe 2008 kur ajo drejtoi Njësinë e Krizave në atë ministri, përgjegjëse për operacionet në lidhje me italianët që u rrëmbyen, u plagosën ose u vranë jashtë vendit në sulme ose katastrofa natyrore.

Në atë kohë, ajo po merrej me çështje shumë të mbuluara nga media siç ishin negociatat për lirimin e gazetares Daniela Mastrogiacomo, nga e përditshmja La Repubblica, e rrëmbyer në 2007 në Afganistan. /tesheshi.com/