Sulmuesi shqiptar, Xhevahir Sukaj është shpallur kampion në Iran me skuadrën e tij Sepahan. Ishte pikërisht barazimi 3-3 midis kryesuesit Traktor Sazi me Naft Tehran që e kurorëzoi Sukajn dhe Sepahanin e tij kampion të Iranit, transmeton Panorama Sport.
Një moment i veçantë ishte se gjatë festimeve ai i ka bindur shokët e ekipit të bëjnë me duar shqiponjën duke festuar të gjithë sëbashku. Shkodrani ka luajtur 20 ndeshje gjatë këtij sezoni duke shënuar edhe 2 gola.
Futbollistit 27 vjeçar i skadon kontrata në përfundim të sezonit dhe e ardhmja e tij mbetet në dyshim. Me shumë mundësi aventura e tij në Iran do të mbyllet dhe nuk përjashtohet një rikthim i mundshëm në Shqipëri pasi edhe vetë futbollisti e ka pranuar këtë gjë. /tesheshi.com/
