Me ardhjen e vitit 2016, Barcelona duhet të mendojë rinovimin e disa nga yjeve kryesorë në skuadër. Blaugranasit planifikojnë të rinovojnë me Neymar, Busquets, Suarez dhe Messin, mirëpo pas suksesit të sezonit të fundit është e qartë se kërkesat ekonomike do jenë më të larta.
Neymar. Praktikisht marrëveshja me brazilianin është e mbyllur, pasi që dy palët kanë gjetur akordin dhe tashmë Neymar pritet të bëhet futbollisti i dytë më i paguar tek kampionët e botës.
Busquets. Është koha që edhe mesfushori spanjoll të marrë një kontratë të re, meqenëse do futemi në vitin e ri. Mesfushori ka kërkuar ngritje page, me ç’rast presidenca ka pranuar dhe sipas të gjitha gjasave rinovimi do bëhet shumë shpejtë.
Suarez. Blaugranasit duan të rinovojnë me gjithë yjet e skuadrës. Njëri ndër ta mbetet edhe uruguajani Luis Suarez, megjithëse nuk do jetë aspak e lehtë, pasi futbollisti paguhet përgjysmë më pak se Neymar dhe pasi ka dëshmuar vlerat e tij edhe kërkesa për të rinovuar do jetë më e lartë.
Messi. Klubi azulgrana nuk mund ta paramendojë organikën e saj pa yllin kryesor, Lionel Messin. Mirëpo, ofertat nga shumë klube europiane, kanë ndikuar që kërkesa e argjentinasit për përmisimin e kontratës të rritet dukshëm. Megjithatë, klubi është në gjendje të përmbush çdo kërkesë të tij, me qëllim që t’i ketë shërbimet e tij edhe për shumë vite në vazhdim. /tesheshi.com/
