Kur shqiptarët ihen fiton i treti. Që në fakt është i pari. Në Mal të Zi, përkatësisht në Ulqin partitë shqiptare kanë kohë që janë të përçara dhe nuk kanë arritur të qeverisin qytetin e madh brengdetar me resurse të mëdha turistike.
Kështu, një nga partitë shqiptare në Ulqin, përkatësisht “FORCA”, e cila ka pasur para disa vitesh kreun e komunës, ka bërë marrëveveshje me partinë e Gjukanoviçit, Partinë Demokratike të Socialistëve.
Në marrëveshjen e nënshkruar në mes Forcës dhe PDS-së, bëhet e ditur se janë dakorduar çështje vitale për ekonominë dhe zhvillimin turistik të Ulqinit.
Njëra nga këto forca do të mbajë kreun e komunës por ata kanë rënë dakord që të ndajën në dy pjesë dhënien me qira të Plazhit të Madh të Ulqinit dhe të plazhit të famshëm të Valdanosit.
Neni 2 i marrëveshjes i cili parasheh përgatitjen e një propozimi të përbashkët për zgjidhjen e ligjshme të pronësisë së Valdanosit, duke respektuar interesat e shtetit, Komunës së Ulqinit dhe pronarëve të ullinjve.
Palët kanë rënë dakord që kjo çështje duhet të zgjidhet në mënyrë të pranueshme dhe përfundimtare për të gjithë anët e përfshira.
Këtu parashihet edhe vlerësimi turistik i kodrës Mendra.
Ata kanë rënë dakord për shpalljen e tenderit i cili do të mundësonte dhënien me qira të një pjese të Plazhit të Madh, me qëllim ndërtimin e hoteleve të klasit të lartë. Nëse kjo kryhet sipas kushteve të parapara në marrëveshje, domethënë të shpallet tenderi në vjeshtë.
Në komunikatën e nënshkruar, sipas dy partive “është paraparë edhe ndërtimi i portit të marinës, qoftë poshtë Kalasë qoftë në Port Milenë, i cili do ta vendoste Ulqinin në hartat nautike të Mesdheut, duke i dhënë turizmit një dimenzion që Ulqini deri tani nuk e ka pasur.
Zv.kryeministri malazez, Markoviç, deklaroi në një intervistë televizive se kjo dorcë politike do të respektojë jo vetëm të pikat e marrëveshjes por edhe të afateve të caktuara në të. /tesheshi.com/
