Si sot para një viti, Uli Hënesit i vihen prangat dhe dërgohet në burgun “Landsberg” për të vuajtur dënimin prej 3.5 vjet heqje lirie, për shkak të fshehjes së taksave të 28.5 milionë eurove. Gazeta gjermane “tz” ka dokumentuar vitin më të vështirë të ish-presidentit të Bajernit.
Edhe pse po e vuan shumë burgosjen e tij, legjenda Uli Hënes po përgatit terrenin për t’u rikthyer në kupolën e Bajernit. Prej muajit janar, Hënes është punësuar si shef i akademisë nga ora 7 e mëngjesit deri në 18:00. Më pas, 63-vjeçari kthehet në qeli për të kaluar natën. Në mars 2016, ish-presidenti pritet të fitojë edhe lirinë me kusht. Kjo hyn në fuqi pasi kryen gjysmën e dënimit. /tesheshi.com/
