Që të vizitosh vendet më tërheqëse të botës, me siguri duhet të jesh fillimisht një njeri që e njeh historinë dhe të paktën, ke një ndjesi pozitive për gjërat antike. Përndryshe, vizitat mund të shndërrohen në një zhgënjim të madh, pavarësisht se kur kthehesh në shtëpi, mund të përdorësh frazat që thuhen rëndom për ta përshkruar udhëtimin jo një harxhim të kotë parash dhe kohe.
Por, ka nga ata turistë në botë që janë tepër të sinqertë. Faqja e internetit Yelp e cila është një vend ku përdoruesit lënë komentet e tyre për gati gjithçka, ka edhe disa postime shumë interesante: Ja disa prej tyre:
Për muzeumin e Luvrit në Paris: “Secili ka të bukurën e vet, por pikturat dhe skulpturat nuk më interesojnë”
Për muzeumin Metropolitan të Artit në Nju Jork: “Refuzoj të paguaj para për të parë antika që mbledhin pluhur”
Për statujën e Lirisë në Nju Jork: “Si amerikan, duhet të doja atë, por ishte tepër masive, dhe …e vjeter”
Për Koloseumin në Romë: Duket bukur natën por vendos drita në Uzinën GM në Detroit dhe do të kesh të njëjtën gjë, e nuk mban as radhë”
Për Hagia Sophia në Stamboll: “Nuk ka shumë për të parë brenda dhe vendi po bie përtokë. E kuptoj që është e vjetër, por më duhet të pyes ku shkojnë fondet e biletave”
Kjo është brendësia e bazilikës dhe xhamisë 1500-vjeçare në Stamboll. Duhet të kesh standarde shumë të larta për të bërë komente të tilla.
Për kullën Eiffel në Paris: “Me shumë njerëz, e mbivlerësuar dhe e shëmtuar nga afër”
Për statujën e Krishtit në Rio de Zhaneiro: “Nuk jam e sigurtë se për çfarë bëhet kaq shumë zhurmë për të”
Komentet janë të shumta edhe për vendet më të famshme në botë për të parë natyrën e pashqetësuar nga njeriu, apo parqet natyrore. /tesheshi/
