Gazetari palestinez Mahmoud Shalha publikoi një video tronditëse nga Gaza, të një të mituri, i mbuluar me gjak në tarracën e godinës ku u hodh nga shpërthimi shkatërrues i një bombe izraelite. Djali Ali i mbijetoi mrekullisht masakrës. Babai i tij dhe pesë nga motrat e tij u vranë, ndërsa nëna e tij u plagos.
Skena tregon fëmijën të rrethuar nga tmerret e vdekjes nga të gjitha anët, me fytyrën e mbuluar me pluhur dhe gjak. Është një pamje e një skene të përgjakshme që pasqyron jetën e përditshme që është bërë “normale”, megjithëse përshëndetja me dorë e djalit të plagosur nuk është vetëm një thirrje për ndihmë, por një dënim i heshtjes së botës – një heshtje që është bërë më mizore se vetë agresioni.
