Surprizon kryeministrja serbe: Nëse detyrohemi, ndërmjet BE-së dhe Rusisë do të zgjedhim Europën

Në një intervistë për agjencinë amerikane Bloomberg, Ana Brnabiç, kryeministrja e re e Serbisë, deklaroi se nëse Serbia do të detyrohet të zgjedhë ndërmjet BE-së dhe Rusisë, do të zgjedhë Europën.
Brnabiç tha se ajo do të vazhdojë përjekjen e parardhësit të tij Aleksandër Vuçiç për të anëtarësuar Serbinë në vitin 2020 në BE.
“Bashkimi Europian është destinacioni ynë, kjo është e qartë. Ne kemi lidhje shpirtërore dhe emocionale me Rusinë si pasojë e traditës, kulturës dhe fesë.
Ka shumë njerëz në Serbi që e shikojnë Rusinë si Vëllai i Madh dhe mbrojtësi ynë. Këto ndjenja nuk duhen shkërmoqur por destinacioni ynë strategjik është Europa”.
Në lidhje me Kosovën, Brnabiç tha se “do të ecim përpara drejt normalizimit të marrëdhënieve në mënyrë që serbët e veriut të Kosovës të kenë një lloj autonomie dhe çështja e njohjes së statusit të Kosovës do të vendoset në fund të procesit”.
Ndërkaq, duke folur për marrëdhënien e saj me Vuçiç, Brnabiç tha: “Nuk kam pasur dyshim kur e kam mbështetur në vendimet e tij të vështira pasi kam qenë e bindur për vullnetin e mirë për vendin”
Por ka shtuar se nuk do të vendoste me besnikëri të verbër në të ardhshmen nëse e shikon se Presidenti apo shefi i saj e ka gabim.
“Nuk e kam problem të surprizoj kur duhet”, tha kryeministrja e Serbisë për Bloomberg.
/tesheshi.com/