Kur federata marokene e futbollit njoftoi punësimin e Ëalid Regraghi më 31 gusht, pothuajse askush nuk i kushtoi shumë vëmendje një vërejtjeje të bërë nga trajneri 47-vjeçar. “Nuk ia dalim dot pa prindërit…”, ishin fjalët e futbollistit veteran.
Veç se Regraghi u kujdes që të tregonte së shpejti atë që donte të thoshte, pasi me sugjerimin e tij federata mbuloi shpenzimet e familjeve të futbollistëve, për t’i pasur pranë tyre në ndeshjet e Botërorit.
DIRO NIYA 🇲🇦❤️💚 pic.twitter.com/y59wYjELGQ
— MoroccanGrinta (@MoroccanGrinta) December 6, 2022
Mendoni vetëm për kontrastin: nga njëra anë WAGS-të e yjeve të kombëtareve europianoperëndimore dhe nga ana tjetër prindërit e marokenëve.
E megjithatë një nga imazhet më të fuqishme deri tani në Kupën e Botës ishte ajo e Ashraf Hakimit duke u ngjitur në tribunë për të përqafuar dhe puthur nënën e tij pas fitores 2-0 ndaj Belgjikës që i hapi rrugën kualifikimit…
Një nëna që u punësua për të pastruar shtëpitë në Madrid, në mënyrë që djali i saj të realizonte ëndrrat e tij. Siç dhe po ndodh, mrekullisht.
Familja Hakimi ishte në qendër të vëmendjes pas triumfit ndaj belgëve, por tashmë pas kualifikimit ndaj Spanjës dhe paraqitjes së parë të një skuadre arabe në fazën çerekfinale të Botërorit, histori të tjera familjare po dalin në sipërfaqe, gjithmonë me vendimin e Regreghit si një rast që secili të ketë pranë vetes njerëzit e tij.
Mund të ndodhë që hoteli i ekipit të kujton shpesh një vizitë në një kamp veror, por në mendjen e trajnerit, familja, veçanërisht prindërit, ofrojnë qetësinë që duhet të kenë lojtarët e tij, por edhe ai vetë.
About last night 🇲🇦❤️💚 pic.twitter.com/hyzv9hsmGw
— MoroccanGrinta (@MoroccanGrinta) December 2, 2022
“Për të gjitha vitet që ishte futbollist apo trajner nuk kisha udhëtuar kurrë për ta parë. Unë jetoj në Francë për 50 vjet dhe Kupa e Botës është ngjarja e parë për të cilën u largova nga Parisi”, tha Fatima Regraghi, nëna e trajnerit, për stacionin televiziv Arriadia.
Dhe e gjithë kjo po ndodh në një ekip ku 14 nga 26 lojtarët e tij nuk kanë lindur në Marok, por në vende të ndryshme (Francë, Belgjikë, Spanjë, Holandë, Gjermani).
Ky detaj kishte bërë që shumë njerëz të besonin se klima brenda ekipit nuk do të ishte më e mira e mundshme.
E megjithatë ka ndodhur pikërisht e kundërta me marokenët në diasporë që janë treguar edhe më fanatikë për ekipin e tyre.
Walid Regragui’s mother Fatima who has lived in Paris for more than 50 years has never traveled to watch him as a player or coach but he insisted she comes to the World Cup in Qatar.
Result? He inspired Morocco 🇲🇦 to a historic quarterfinal place. 🥺🥺🥺https://t.co/qT2mVhBLTV
— Usher Komugisha (@UsherKomugisha) December 7, 2022
“Djali im ka lindur në Holandë dhe atje ka gjithçka, por gjaku ynë është maroken”, ka shpjeguar babai i sulmuesit Zakaria Abouhlal për të plotësuar babain e mesfushorit Bila El Khanous: “Ai mund të luante për Belgjikën, por zemra i zgjodhi Marokun”.
Youssef En-nseyri's father today !
🤩🇲🇦 pic.twitter.com/6h9p1NNOEi— MoroccanGrinta (@MoroccanGrinta) December 1, 2022
Dhe nëse pasditen e së shtunës marokenët shtojnë një hallkë tjetër në zinxhirin e rezultateve të tyre të pamundura në Katar, duke eliminuar Portugalinë, padyshim histori të tjera familjare do të bëhen të njohura…/tesheshi.com/
