Nga Mensur Krasniqi
Sabriu ta këput shpirtin kur e sheh, mirëpo ka një vitalitet që të bën të mendosh e reflektosh mbi veten. Eshtë i privuar nga disa veti, që në te gjithë i kemi, por që kur e sheh atë mendon se ty të mungojnë disa veti.
Ky është pra Sabri Kajolli, 27 vjeç, të cilin mund ta hasësh tek xhamia e ‘Jahja Pashës’ në Shkup, si pjesëtar i rregullt i saj. Nuk e njeh orën, pikërisht nga ajo që thamë më sipër, mungesa e disa vetive, por që ka ca ta tjera që e bëjnë të jetë i rregullt në çdo kohë faljeje, pra edhe pse nuk di të orientohet me oraret.
Sabriu është rritur jetim. Ishte vetëm 5 vjeç kur babai tij ndërroi jetë dhe la Sabriun të vetëm, bashkë me motrën dhe nënën. E nëna Hyrmet ka rritur të dy fëmijët me një pagë sociale shtetërore minimale dhe nën mëshirën e njerëzve bamirës.
Sabriu, është shumë i dashur nga i gjithë xhemati i xhamisë së ‘Jahja Pashës’, andaj gjithnjë ledhatohet e mëshirohet nga dora humane e tyre. Për vetitë që ka, edhe pse i privuar pra fizikisht e mendërisht, atë e quajnë dhe “legjenda e xhamisë”. Befasia më e madhe për xhematin e atyshëm është që mos e shoh Sabriun në ndonjë prej vakteve të faljes. Por ai ka munguar thjesht nga fakti se ka shkuar gjetiu, në ndonjë xhami tjetër, edhe për të takuar miqë apo dashamirës që nuk i ka të pakët.
Zoti nuk i’a ka mundësuar të flas rrjedhshëm, por fjalën “Allahu-Akbar” e thotë pa asnjë pengesë.
I pyetur në oborrin e xhamisë “Jahja Pashë” për Sabriun, haxhi Dritoni atë e cilëson si një ndër jernekët më të mëdhenjë të kohës tonë në aspektin e dinit, fesë.
“Sabriu është një shembull tipik i myslimanit, edhe pse me të meta psiqike. Pra është një dhunti prej All-llahut, që edhe pse ai nuk e njeh dhe dallon kohën, kur hyn koha e faljeve e sheh të rregullt në xhami . Ai është njëri ndër nxitësit më të mëdhenj që t`i thërret njerëzit në namaz me ato mundësitë e veta, dhe sakrificat që bën për Zotin”, tha haxhi Dritoni.
Ai nuk hezitoi ta përshkruajë me disa vargje poezie Sabriun, të thurrura nga Enes Ramadani:
“Vllau Sabri Kajolli, djali ma i mirë
i pari n’xhami, kur ezani thirr
i sjellshëm i urtë, lumi ai për veti
le të marrin msim, prej Sabris mileti”.
/tesheshi.com/
