Pas 30 ditëve agjërim gjatë muajit të Ramazanit, myslimanët kremtuan Fitër Bajramin, ose ndryshe festën e Fitres, një ndër dy festat që ka Islami si besim. Si kudo në botë, edhe në Tiranë dhe qytete të tjera të Shqipërisë dhe hapësirave mbarëshqiptare, myslimanët u dyndën në sheshe e oborre xhamish për të falur namazin e Fitër Bajramit.
Drejtues të shumtë fetare që mbajtën fjalimet përkatëse, të quajtur ndryshe hutbe, vlerësuan përkushtimin gjatë një muaji të besimtarëve, misionin e tyre që ua ngarkon muaji Ramazanit dhe riti i agjërimit, për t`u pastruar shpirtërisht dhe për t`u përmisuar moralisht.
Ata bën thirrje që myslimanët të bëhen pararojë e zhvillimeve shoqërore, ku me shembullin e tyre, individual apo kolektiv, të japin kontribut në përmisimin e gjendjes së përgjithshme.
Pati dhe ndër ata imamë që në hutbet e tyre dënuan grupacione si ISIS-i, duke theksuar se ato nuk përfaqsojnë asnjë princip islam në sjelljet dhe veprimet e tyre.
Fitër Bajrami është një festë që prezupozon “rilindjen” e besimtarit, “ristartin” e jetës së tij, me statusin e një foshnjeje të sapo ardhur në jetë. Kjo pasi Ramazani me agjerimin brenda, janë një pastrim moral i besimtarit, nëpërmjet së cilit Zoti i ka premtuar falje tërësore gjynahesh, duke i dhënë shansin t`ja nisë jetës dhe njëherë nga e para. Ndaj dhe quhet Fitër Bajram, festa e Fitres, gjendjes së njeriut kur është foshnjë, në pastërtinë e natyrshme. Mundësuar kjo pas një muaji agjërim. /tesheshi.com/
