Agjencia prestigjoze britanike Reuters, ka bërë të ditur në një lajm të saj se zyrtarizimi i Aleksandër Vuçiçit si kandidat për President të Serbisë është një fitore e qartë e aksit perëndimor dhe në veçanti e kancelares gjermane, Angela Merkel që e ka sponsorizuar Vuçiçin që nga fillimi.
Sipas Reuters, largimi nga skena politike i Presidentit Tomislav Nikoliç është sinjal shumë i rëndësishëm politik në Serbi dhe afron akoma më shumë rrugën drejt integrimit europian të saj.
Agjencia Reuters ka vlerësuar se zgjedhjet presidenciale do të jenë një test kyç i popullaritetit të Vuçiçit dhe reformat e tij ekonomike e mbështetur nga FMN-ja, si dhe përpjekjet në vendin me 7.3 milionë banorë për të shkaur drejt Bashkimit Evropian.
Agjencia shkruan se sondazhet tregojnë se Vuçiç do të mund të fitojë më shumë se 50 për qind të votave në raundin e parë të votimit për shkak se opozita është e dobët dhe e fragmentuar.
Reuters shton se Vuçiç, para mbështetësve entuziastë tha se ai kishte vendosur të pranojë emërimin për president dhe se vendi ka nevojë për punë, stabilitet, investime dhe të ardhme. /tesheshi.com/
