Nga Musa Mustafa
Boletinit të enjten i është kthyer qetësia, i Zoti i shtëpisë është kthyer në shtëpi, pas 100 vite të rrugëtimit, Zoti i shtëpisë dukej si një ‘jabanxhi’ që po survejonte Kullën, Boletinin dhe Shalën e Bajgores, po çmallej me to.
Qetësinë e boletinëve e prishnin cicërimat e zogjve në Blirin shumë vjeçar në oborrin e Kullës, nën hijen e të cilit tani po pushonin përjetësisht ehttps://youtu.be/tjsF6piR6rUshtrat e Heroit Kombëtar Isa Boletinit dhe bashkëluftëtarëve të tij.
Të vendosur rrëzë shkëmbit në dy varre; në njërin Isa e në tjetrin bashkëluftëtaret e tij, pushonin të qetë luftëtarët e pa epur për liri e Pavarësinë e Shqiptarisë.
Si për ironi të fatit, varret e luftëtarëve ishin vendosur ballë për ballë me derën e odës së burrave e cila tani ka ngelur vetëm gërmadha nga ku Isa Boletini ka pritur dhe përcjellë shumë miq e luftëtarë të lirisë.
Oda e burrave po survejonte të Zotin e shtëpisë me një përmallim dhe ndrojtje, po survejonte varrin e tij, që për një shekull bredhi në shërbim të atdheut, pa pasur mundësi që vetëm një ditë të vi e të çlodhet në lëndinën para Kulle, këtu në Boletin.
Dyert e kompleksit të boletinve të enjten ishin të hapura, po ashtu edhe dera e Kullës, ndërsa që Flamuj Kombëtar që ishin të vendosur
në hyrej të Kullës dhe në tërë rrugët e Boletini, nënë përkëdheljen e një erë të lehtë valonin pa pushim që të bënin me dije se po përshëndetësin ardhjen e Bacës.
Po përshëndesnin njeriun i cili dha gjithçka edhe jetën edhe familjen që ky Flamur të valëvitet i lirë, të valëvitet me krenari edhe mbi varrin e tij, të familjes së tij e të bashkëluftëtarëve të tij.
“Është dita dhe mëngjesi më i gëzuar i jetës sime”, thotë nipi i Isës, Gazmend Boletini, deri sa po pastronte varrin e gjyshit, Heroit Kombëtar Isa Boletini dhe bashkëluftëtarëve të tij.
Po largojë cigaret dhe gjësendet tjera që kanë ngelur këtu dje nga shqiptarë e të gjitha trojeve, që na nderuan me pjesëmarrjen e tyre në rivarrimin e eshtrave të Isa Boletinit ka shtuar Gazmendi.
“Të gjitha dyert e kompleksit i kam hapur, me qëllim se Gjyshi dhe bashkëluftëtarët e tij po më duke jabanxhi, duke punuar këtë po bisedoj edhe me ta, po iu tregoj për të gjitha, bash për të gjitha, se ka një shekull që nuk kemi biseduar e që nuk e kanë shkelur këtë prag” ka thënë Gazmendi.
“Ka një shekull që Isa nuk e ka parë këtë shkëmb rrëzë të cilit tani po pushon përjetësisht, ka një shekull që Isa nuk i ka shikuar fshatrat për rreth dhe Shalën e Bajgorës’. ‘Ka një shekull që Isa nga këtu nuk ka survejuar poshtë nga Bugariqi, lugina e cila Gjyshit dhe Kullës i ka sjell shumë vuajtje se nga aty i kanë ardhur armiqtë e tij dhe të shqiptarisë” , ka thënë Gazmend Boletini të enjten.
Sipas tij, Gjyshi, shpirti i tij, ka ende nevojë që të çmallet me Kullën me Boletinin me Shalën e Bajgores e me të gjithë shqiptarët kudo që janë, sepse vetëm tani ai po prehet i qetë përjetësisht.
Nga kjo Odë e burrave gjyshi doli 100 vite më parë për të mos u kthyer kurrë deri dje në Kullën e tij.
“Isa Boletini, nga kjo Kullë dhe nga Oda e burrave ka dal për herë të fundit më 20 nëntor 1912, në kohë kur ai dhe bashkëluftëtarët e tij 5000 sish po luftonin në Llap, kundër ushtrisë Serbe prej 70 mijë ushtarësh dhe nga atje është nisur për në Vlorë” ka cituar Gazmend Boletini, fjalët e Tafili Boletinit.
“100 vite vuajtje të Kalorësit, të Gjeneralit të Pavarësisë së Shqipërisë, Heroit Kombëtar Isa Boletinit e familjes së tij dhe gjithë shqiptarisë, u përmbyllen me rivarrimin e Kalorësit, Gjeneralit nga Kalorësit e tij” ka thënë nipi i Isës.
‘Të gjithë ata Kalorës që të mërkurën më 10 qershor 2015, lëshuan eshtra e Isa Boletinit dhe bashkëluftëtarëve të tij në varrin ku do të prehen përjetësisht, ish pjesëtar të UÇK-së që luftuan nënë emrin dhe amanetin e Isa Boletinit e që bënë të mundur edhe rivarrimin e tij me çlirimin e Kosovës” ka thënë Gazmend Boletini.
Rrëfimi Gazmend Boletinit, për çmallje dhe bisedën që ai po bënë me Gjyshin e tij vetëm një ditë pasi që ka mbërri në Boletin, ndërpritet nga mysafirë që kishin ardhur për të përshëndet dhe vizituar Gjeneralin e Pavarësisë së Shqipërisë dhe Heroin Kombëtar Isa Boletinin.
/tesheshi.com/
