“Nëse je një humbës i keq, nuk mund të fitosh,” ka qenë diagnoza e kryeministrit Rama për opozitën, gjatë një interviste për Financial Times.
“Opozita ka humbur betejën e saj të pestë me radhë – tre zgjedhje të përgjithshme dhe dy lokale – sepse ata kurrë nuk kanë qenë humbës të mirë”, shtoi ai.
I hidhur ka qenë Rama dhe me BE-në në komentet e tij.
“Nëse Shqipëria është një adoleshente, Brukseli po vuan nga një amnezie për atë se kush janë, cili është qëllimi i ekzistencës së tyre. Ata janë forca më e madhe për njerëzimin e mirë që ka krijuar dhe shpresoj se do të shërohen shpejt sepse pa to bota është një vend shumë më i keq”, tha ndër të tjera shefi i qeverisë shqiptare. /tesheshi.com/
