Prapa çdo burri të fuqishëm qëndron një grua intelegjente. Edhe në rastin e trajnerit të Real Madridit, Rafa Benitez, nuk ka se si të mos jetë ndryshe. Bashkëshortja e tij, Montserrat Seara, tregon në një intervistë për të përditshmen “La Region” se si është të jetosh 20 vite martesë me të.
Mendjen e ka vetëm tek futbolli: “Në takimin tonë të parë, Rafa më shpjegoi çfarë ishte formacioni 4-4-2. Më fliste për fushën dhe shumë gjëra të tjera që kanë të bëjnë me futbollin. Ishte diçka e pazakontë të dëgjoja. Gjatë kohë kur shikonte ndeshjet në ekran bërtiste, jepte udhëzime e gjëra të tilla. Për të futbolli nuk është një punë, është pasion i tij”.
Rafa dhe formacionet e tij: Tekniku madrilien rrallë here zbulon formacionin e tij. “Nuk e di as unë. Shpesh herë e pyes se kush do të luaj. Ai më përgjigjet ende nuk e di. Në Liverpool gjithmonë ishte i akuzuar se pse ndërronte shpesh herë formacionet dhe ai presion i vinte nga dy miqtë e tij më të mirë. Vetëm thuaj po ose jo. Nuk ka zgjidhje tjera, kurrë nuk thotë asgjë”.
Jeta e juaj si bashkëshorte e Benitezit: “Kam lënë të bëj gjëra që mua ndoshta nuk më pëlqejnë. Në Liverpool kemi përjetuar shumë gjëra të mira”. Montserrat që në vitin 2012 ishte zgjedhur si “Femra e Vitit” tregon se këto suksese gjatë karrierës ishte më e lehtë para se të përfundojë të ketë mbiemrin “Benitez” prapa.
Fëmijët i mbajnë larg punës: “Fëmijët tanë ndodhen në Liverpool. Atje janë duke kryer studimet dhe kanë jetën e tyre. Këtu në Madrid është shumë më qetë sesa në Liverpool”.
Mourinho dhe pasuesi i tij: Real Madrid është skuadra e tij e tretë në të cilën para tij ishte trajner Jose Mourinho. “Do rregullojë gjithë rrëmujën që ka krijuar miku im…” e thotë në shaka. “Është normale të ndodhë një rastësi e tillë, pasi të dy udhëheqin skuadrat më të mira në Europë”.
Numëroni vitet e daljes së tij në pension: “Nuk e di nëse do e mbërrij. Nëse do Zoti i kanë mbetur edhe 20 vite në futboll”.
Përgatiti: Drilon Sylejmani – /tesheshi.com/
