Polonia zhvendoset djathtas duke zgjedhur president një kandidat të së djathtës, që është më euroskeptike jo aq e lidhur me Gjermaninë, por që kërkon marrëdhënie më të ngushta me SHBA.
Sipas të dhënave paraprake Andrzej Duda, ka marrë 52% të votave duke fituar mbi presidentin aktual, Bronisław Komorowski, i cili një një deklaratë televizive ka pranuar humbjen.
“Nuk funksionoi këtë herë. Kjo është ajo që vendosën votuesit në liri dhe në Poloninë demokratike”, tha ai i cili i uroi Dudës suksese në detyrën e tij.
“Ata që votuan për mua kërkojnë ndryshimin dhe i falënderoj ata për këtë sinjal”, ka thënë në mënyrë serioze Duda në një deklaratë për gazetarët.
Fitorja e tij erdhi pas 8 cjet dominimi të partisë së qendrës Platforma Qytetare, PO Duda vjen nga e djathta klasike “Partia Ligj dhe Drejtësi”, i cili kërkoi një forcim më të madh të institucionit të Parlamentit dhe zvogëlim të fuqisë personale të kreut të shtetit.
Kryeministrja Ewa Kopacz mori detyrën vitin e shkuar pasi kreu i Platformës qytetare Donald Tusk u emërua President i BE. Ajo ka një detyrë të vështirë për të mbajtur partinë e saj në krye pasi ka arritur tre fitore elektorale radhazi por që tani arriti disfatën e parë.
Ndryshimi në Pallatin Presidencial në Varshavë pritet të ketë implikimin e tij edhe në politikën e jashtme polake.
Nën qeverisjen e Kopacz dhe parardhësit të saj Tusk, Varshava u bë një aleat i ngushtë i Berlinit dhe një lojtar i dorës së parë në Bruksel.
Administrata e Dudës pritet të jetë më proamerikane dhe më pak entuziaste në marrëdhëniet me Gjermaninë fqinje.
Duda ka qenë jo shumë i njohur përpara se të kandidohet nga thelemuesi i “Ligj dhe Drejtësi”, ish-kryeministri, Jarosław Kaczyński, një nga binjakët e famshëm(ish-presidenti Lech Kaczyński vdiq në një aksident ajror misterioz ndërsa po kthehej nga një vizitë në Rusi).
Duda është më energjik dhe i ri në moshë(43 vjeç), dy dekada më i ri se rivali i tij Komorowski, dhe është një fytyrë e freskët e politikës polake e dominuar nga të njëjtit njerëz që kanë qeverisur që prej rënies së komunizmit në vitin 1989.
Duda është presidenti i parë që pjesën më të madhe të jetës së tij e ka kaluar pas rënies së komunizmit.
Polonia është një nga ekonomitë më të suksesshme të Europës. Ajo është vnedi që ka shmangur recensionin dhe çdo vit shënon rritje ekonomike.
Gjatë qeverisjes së Partisë centriste PO në dy mandate PBP është rritur nga 16,877 USD në 2007, në 23,649 USD në 2013, shifra të dhëna nga Banka Botërore. Papunësia ka rënë në nivelin e 9%.
Por pabarazia sociale është rritur, në qytete të vogla dhe në fshatra nuk ka punë dhe aty ku ka rrogat janë të vogla. Kjo shtresë e popullsisë e ashtuquajtura “Polska B”, pra qytetarë të nivelit të dytë kanë lënë vendin duke gjetur punë në Europë.
Gjatë fushatës, Duda ka premtuar të ndjekë gjurmët e Kryeministrit hungarez, Viktor Orbán, që luftoi me bankat e huaja për paratë e fshehura të biznesit që janë quajtur si “kollaret e bardha”. Rreth 2 milionë polakë kanë marrë hua nga para të tilla.
/tesheshi.com/
