Heroi i FSV Frankfurtit quhet Edmond Kapllani. 32-vjeçari ka qenë lojtari kyç në fitoren që shpëtoi ekipin nga rënia një kategori më poshtë. Kapllani ka realizuar 2 gola në suksesin 2:3 ndaj Fortuna Dusseldorf. Një ndeshje e përkryer e shqiptarit, të cilit i janë dashur 22 minuta lojë për t’i hapur rrugë triunfit të FSV Frankfurt-it që e mbyll kampionatin në vendin e 13 në kuotën e 39 pikëve. Në fushë ka qenë edhe Odise Roshi transmeton sportal.al.
Edmond Kapllani në këtë kampionat ka shënuar 11 gola, më shumë se çdokush te skuadra e tij. Sulmuesi i Kombëtares ndodhet në Gjermani prej vitit 2004 duke luajtur edhe në Bundesliga 1. Pjesa më e madhe e karrirës së tij ka qenë në këtë vend.
Shënon Gjasula
Jurgen Gjasula shënoi për Aalenin, por pa mundur të që të shpëtojë ekipin e tij nga humbja 2-1 me Nurmberg-un. Skuadra e mesfushorit shqiptar ra nga Bundesliga 2, raporton sportal.al.
Pas një goditje së shtyllës nga ana e Chessa-s, topi mbërriti te Gjasula, me mesfushorin e Kombëtares shqiptare që barazoi rezultatin (1:1) në minutën e 51-të.
Më parë, Nurmbergu kishte shënuar me Bulthuis në të 28’, ndërkohë që fitoren e firmosi Burgstaller tri minuta nga fundi. /tesheshi.com/
