Monaco konfirmoi zyrtarisht mbërritjen e mesfushorit francez Paul Pogba, 32 vjeçm, i cili nuk mundi t’i fshihte emocionet e tij në nënshkrimin e kontratës dhe qau.
Ai tha se ndihej sikur ishte rilindur dhe mes lotësh falënderoi njerëzit e klubit për besimin e tyre.
Kjo më në fund i dha fund agonisë së Pogba-s, i cili nuk ka luajtur që nga shtatori 2023 për shkak të një pezullimi 18-mujor për doping. Ai u bë futbollist i lirë vitin e kaluar, kur ndërpreu reciprokisht kontratën e tij me Juventusin dhe pezullimi i tij përfundoi në mars.
Paul Pogba, emotional when he signed for Monaco… what a moment. 🥺❤️🩹@AS_Monaco 🎥👏🏻 pic.twitter.com/d1jBTTFQt7
— Fabrizio Romano (@FabrizioRomano) June 28, 2025
Pas heqjes së ndalimit, Pogba u lidh me disa klube, përfshirë Marsejën. U morën në konsideratë edhe transferimet në MLS ose në Ligën Profesioniste Saudite. Në fund, firma e tij u sigurua nga Monaco.
Monaco është i kënaqur të njoftojë mbërritjen e Paul Pogba. Kampioni botëror francez ka nënshkruar një kontratë dyvjeçare me klubin nga Principata, e cila zgjat deri më 30 qershor 2027,” njoftoi Monaco. /tesheshi.com/
