Qeveria e Shqipërisë i frikësohet një rritje vale të emigrantëve nga Lindja e Mesme në vend, që mund të ndryshojnë rrugën për në perëndim, pas ngritjes së murit në Hungari.
Policia shqiptare ka nisur inspektime të kujdeshshme, në pikat kufitare veçanërisht në jug.
Zyrtarë të policisë kufitare kanë inspektuar pikën kufitare të Kapshticës dhe të Kakavijës, ku deri më tani situata duket e qetë dhe nuk ka dyndje të emigrantëve nga vendet e Lindjes, për ta përdorur Shqipërinë si një korridor kalimi me destinacion vendet e Bashkimit Europian.
Dy vitet e fundit, mjaft emigrantë nga Siria dhe Afganistani, në tentativë për të kaluar drejt Malit të Zi e më tej për në Europë, kanë përdorur Shqipërinë si vend tranziti.
Gjatë kësaj periudhe kontrollesh u raportua edhe mbipopullim në Qendrën e posaçme të Karecit, ku edhe mbaheshin përkohësisht refugjatët. Këtë vit, ata kanë zgjedhur si korridor kalimi itinerarin Turqi-Greqi-Maqedoni-Serbi, duke shmangur Shqipërinë.
Frika e zyrtarëve shqiptarë është se nëse Greqia do të kanalizojë valën nga jugu i vendit atëherë do të kishte probleme të mëdha në vendf, pasi situate do të ishte jashtë kontrollit.
Burime jo zyrtare bëjnë të ditur se, nëse vala e refugjatëve do të orientohej nga Shqipëria, ky do të ishte një problem shumë i madh.
/tesheshi.com/
