Të enjten mbrëma në emisionin Opinion u konsumua një debat i ashpër mes komentatorëve politikë, Andrea Stefani dhe Preç Zogaj, (quhen ndryshe dhe analistë), ku i pari i kujtoi të dytit se ai ka qenë spiun i ish-Sigurimit të Shtetit. Dhe, në këtë kontekst, Stefani ndihej më komod pasi i jepte vetes avantazhin e të mosqenit i tillë, ndonëse kjo nuk kishte aspak lidhje me temën e debatit.
Por ja që dhe për Andrea Stefanin del një e dhënë implikuese. Ilirjan Blloshmi, pinjoll i Bloshmëve të Librazhdit të persekutuar rëndë nga ish-regjimi komunist, prej të cilëve njihet më së shumti Vilson Blloshmi, poeti i pushkatuar, ka publikuar në faqen e tij në fb ca dokumente shoqëruar me shënimin përkatës, si dhe dokumenta përkatëse:
Mbrëmë në emisionin Opinion Andera Stefani paska bëre një debat për spiunet. Paska thënë se nuk bëhesh analist nëse ke qene sipun (I qenka referuar Prec Zogajt). Meqenëse asnjë media nuk i ka publikuar këto materiale që unë u kam dërguar po e publikoj këtu tek fb im.
Foto 2. Është një raport që ka përgatitur Stefani për një armik klasë.
Foto 3. Është një pjesë e arkives se dosjeve të ish sigurimesave që disponoj.
Foto 1. Është vendimi që është marrë për “armikun e partise” pas raportit të Stefanit.
Pas kësaj të dhënë, vjen pyetja plot pikëpyetje, më shumë se e sferës infomative “vërtet të ketë qenë edhe Stefani bashkëpunëtor i Sigurmit?!”, e sferës morale: “Po si ka mundësi të akuzojë dikë për atë që ka qenë dhe vetë?!”, gjthmonë nëse ka qenë…
/tesheshi.com/
