Presidenti i Komitetit Organizativ për Kampionatin Europian “Francë 2016”, Jacques Lambert, ka siguruar se kompeticioni nuk rrezikon të anulohet pavarësisht terrorit që ndodhi ditëve të fundit në Paris.
“Nuk e kemi në plan të diskutojmë anulimin e Kampionatit Europian. Siguria është në nivelin e duhur dhe nuk ka arsye për pezullim. Do të marrim vendime vetëm për të rritur masat e sigurisë dhe për ta ngritur atë në nivelin më të lartë”, deklaroi Lambert për prestigjiozen L’Equipe.
Veç të tjerash, Lambert iu përgjigj edhe pyetjes lidhur me sigurinë që ofron Stade de France, vendi në të cilën ndodhi sulmi, ku mbetën qindra të vdekur.
“Stadiumi ofron siguri dhe kushte mjaft komode. Rreziku është në rrugët e qytetit, por niveli i sigurisë do të jetë i lartë dhe nuk dot ketë telashe në këtë aspekt”, përfundoi Lambert./tesheshi.com/
