Ndahet nga jeta regjizori i njohur Artan Minarolli, një nga kineastët më prodhimtarë të postkomunizmit.
Një sëmundje në zemër ka qenë shkaku i atakut kardiak që e ka goditur Minarollin në moshën 57 vjeçare.
Artan Minarolli ka qenë një nga kineastët që në mesin e viteve 90 nisi prodhimin e filmave me temat më aktuale sociale në Shqipëri.
Nata pa hënë që u shfaq në vitin 2004 ishte një nga filmat më të mirë të Minarollit ku gërshetoi së bashku dramën e largimeve dhe pushkatimeve në kufi gjatë regjimit komunist me ngjarjet e postkomunizmit ku ikja masive me gomone ishte një fenomen që tronditi vendin.
Minarolli vazhdoi sërish duke prekur tema të mprehta sociale siç ishte gjakmarrja tek filmi Alive.
Ai ka fituar çmime në disa festival ndërkombëtare të kinematografisë.
/tesheshi.com/
