Lëvizjet e shumta dhe transferimet e papritura janë karakteristikë e merkatos së kësaj vere. Për të arritur suksesin e munguar sezonin e shkuar, klubet e mëdha europiane po hargjojnë shuma astronomike për të pasur në organikën e tyre lojtarët më të mirë të kontinentit të vjetër. Rikthimi i Mançester Junajted në Ligën e Kampionëve, dështimi i Sitit për ta fituar atë, ronovimet tek Altetiko e Madridit si dhe ndërrimi i gjeneratës te Juventusi e kanë bërë edhe më të nxehtë këtë merkato.
Skuadra që ka shpenzuar më së shumti deri më tani është ajo e holandezit, Luis Van Gal. Tekniku që dështoi të fitoj ndonjë titull sezonin e kaluar me Mançester Junajted ka shpenzuar hiç më pak se 100 milionë euro dhe atë në transferimin e vetëm katër futbollistëve (Shnajderlin, Shvajnshtaiger, Depain dhe Darmian). Dhe, kuleta e pronarëve amerikan që kanë pronësinë e klubit mbetet e hapur, pasi në vazhdim priten të kenë ende ardhje të reja. Klubi nga Old Traford që sezonin e shkuar kishte shpenzuar 136 milionë euro, këtë sezon kërkon ta kalojë atë shifër për të kërkuar lavdinë e dikurshme të cilën e barte skuadra e legjendës skoceze, Sir Aleks Ferguson.
Menjëherë afër “djajve” qëndrojnë komshinjtë e Sitit. Skuadra nga Etihad Stadium ka bërë transferimin më të shtrenjtë në këtë afat kalimtar deri më tani. Transferimi i sulmuesit anglez, Rahim Sterling u ka kushtuar hiç më pak se 69 milionë euro sheikëve nga Abu Dabi. Ardhja e anglezit të talentuar është përcjellur edhe me transferimet e tjera si Roberts dhe Delf që në gjithsej ekipës së Pellegrinit i kanë kushtuar 96.5 milionë euro.
Në mesin e skuadra nga Mançesteri, vjen një skuadër nga Madridit. Nuk bëhet fjalë për Realin, por për rivalin e tyre Atletiko që ka befasuar me disa transferime të papritura, duke prekur kështu shifrën e 98 milionë eurove të shpenzuara deri më tani (duke mos përfshirë transferimin e Saviçit nga Fiorentina për tetë milionë euro). Po ashtu rreth 16 milionë euro do ti kushtojë Simeones rikthimi i Luis Felipes në Kalderon, dhe kështu e tejkalon shumën prej 56 milionëve që ka shpenzuar Barcelona deri tani në këtë afat kalimtar, e atë prej 50 milionëve që ka shpenzuar Reali.
Vëmendje të veçantë meriton të ketë Valencia. Rreth 109 milionë euro të shpenzuara në këtë merkato deri më tani e vënë krye të listës së merkatos skuadrën nga Mestalla. Duhet theksuar se disa nga këto para janë shpenzuar për të rikthyer ish futbollistët e tyre të cilët ishin në huazim sezonin e shkuar.
Italia rikthet sërish në maje të merkatos
Skuadrat nga Serie A, duken më të motivuara se kurrë për të shpenzuar në këtë merkato. Kampioni aktual Juventus ka shpenzuar 83 milionë euro në blerjen e lojtarve si Manxhukiç, Dybala dhe Simone Zazan. Largimi i Arturo Vidalit drejt Bajernit mund të sjelljë një tjetër lëvizje tek skuadra torineze, pasi me ato para synohet transfrimi i gjermanit Mario Gëces. Milan dhe Inter janë në kërkim të prestigjit të humbur: 58 milionë euro të shpenzuara nga rosonerët dhe 61 nga nerazurrët e bëjnë edhe më të zjarrtë luftën për skudeton e edicionit të ardhshëm.
Gjigantët si PSG dhe Bayern Mynih kanë mbetur në plan të dytë. Madje, gjiganti francez nuk ka shpenzuar më shumë se 7 milionë euro për blerjen e portierit Kevin Trap. Ndërkohë, Guardiola 30 milionë euro i ka shpenzuar në sjelljen e Daugllas Kostas në Allianz Arena.
Kush do mbretërojë deri në fundin e kësaj merkato, mbetet të shihet. Disa skuadra ende nuk janë zgjuar nga gjumi dhe nëse dëshirojnë të jenë pjesë e skuadrave që edicionin e rradhës do ta kenë fjalën kryesore duhet ta fusin dorën në xhep për të investuar në organikën e tyre. /tesheshi.com/
