Në mesditë do të kemi dhe përballjen më të rëndësishme të çështjes “Doshi” atë mes deputetit të përjashtuar nga PS dhe deputetit të Bashkimit Kristian Demokrat, Mark Frroku. Në dëshminë e parë, Frroku nuk ka përputhur deklarimet që bëri Doshi duke e përmendur me emër sikur e njihte “atentatorin” e penduar Durim Bani. Tom Doshi duhet ta ketë ndjerë veten keq kur i binte papushim telefonit të mikut të tij Mark Frroku dhe ky i fundit nuk i përgjigjej, në asnjë prej të dy numrave të telefonit. Celularët ishin të mbyllur.
Mark Frroku, një biznesmen që u zgjodh deputet në rrethin e Pukës ka shtetësi amerikane, pasi për shumë vite ka emigruar në vendin e madh përtej oqeanit. Ambasada e SHBA, me dy deklarata e ka përkrahur përjashtimin e deputetit Tom Doshi. Për të cilin ka theksuar se ka pretendime se është i përfshirë në trafikun e narkotikëve.
Deputeti Tom Doshi do të përballet me kolegun e tij Mark Frroku në Prokurorinë e Krimeve të Rënda në lidhje me dëshmitë e dhëna javën e shkuar.
Doshi, në deponimet e tij u shpreh se Durim Bamin, njeriun e pretenduar për të kryer vrasjen e deputetit, e ka njohur nga Mark Frroku. Ky i fundit ka deklaruar se nuk ka ditur asgjë për atentatin e pretenduar dhe se është njohur me çështjen vetëm kur ajo është bërë publike. Deponimet kontradiktore të bëra nga dy deputetët e kanë detyruar Prokurorinë e Krimeve të Rënda t’i rithërrasë edhe një herë tjetër për të dëshmuar të dy deputetët, të hënën në mesditë.(tesheshi.com)
