“Sasho Mijallkov, kushëriri i Nikolla Gruevskit, i vërtetoi informacionet se ka qenë i prangosur në aeroportin e Beogradit, pasi që në valixhen e tij është gjetur një pistoletë, që është një skandal i ri pas serisë së skandaleve ku i fundit ishte ai me pasaportën diplomatike të Mijallkov”, reaguan kështu nga LSDM-ja.
“Si ka arritur që Sasho Mijalkov ta kapërcej kontrollin e aeroportit në Shkup? Kush ka lejuar që Mijallkov të kaloj pa u kontrolluar se çka bart me veti? Kush do të mbaj përgjegjësi për pistoletën e pa lajmëruar që është lejuar në aeroplan? Kush e garanton sigurinë e trafikut ajror?”, pyesin nga LSDM-ja.
Mijallkov është ish-drejtori i policisë së fshehtë, i cili në një deklaratë për Pres 24 ka theksuar se gjatë nisjes për në rrugë e ka marrë me vete çantën të cilën nuk e ka kontrolluar, dhe pistoleta është zbuluar në aeroportin e Beogradit, pa dhënë arsyetime të mëtejshme dhe ka vazhduar rrugën.
Përndryshe, ai shtoi se bëhet fjalë për pistoletë private të cilën e posedon me leje, dhe jo pistoletë zyrtare nga MPB, gjegjësisht e njëjta është dorëzuar pas përfundimit të funksionit si drejtor i DSK-së. /tesheshi.com/
