Nga Mensur Krasniqi
Si duket nuk mund t`u zërë vendi vend funksionarëve të lartë të partive politike në pushtet. Të shqetësuar, frikësuar dhe të vetëdijshëm mbi përmbajtjen e “bombave” të liderit opozitar të LSDM-së Zoran Zaev, që ditët e ardhsshme mos të publikohet ndonjë prej skandaleve të tyre ende të paditura për publikun, , VMRO-DPMNE dhe BDI kanë dorëzuar në anë të të cilit kërkohet të ndalohet publikimi i mëtutjeshëm i “bombave” me bisedat e përgjuara.
Me këtë ligj do të ndalohet edhe ripublikimi i “bombave të shpërthyera” tashmë, ndërsa materialet e reja duhet të dorëzohen në Prokurorinë Speciale.
Talat Xhaferi nga BDI ka thënë se mes partive ka konsensus për këtë propozim-ligj dhe se i njëjti është pjesë e Marrëveshjes së Përzhinos.
Ligji duhet që të votohet me procedurë të përshpejtuar dhe do të hyjë në fuqi ditën që do të votohet. Teksti parasheh përgjegjësi penale për ata që do t’i publikojnë “bombat”
Sipas shpjegimeve të deputetit Xhaferi, nëse miratohet ligji, edhe mediat do të duhet t’i tërheqin materialet e publikuara nga sajtet e tyre; pra duhet të përdorin komandën delete për të fshirë çdo raportim mbi “bombat”, se ndryshe të piu e zeza në raport me ligjin
Ndërkaq, LSDM ka mohuar se ka ndonjë marrëveshje të tillë nga takimi i liderëve në Përzhino, andaj ka kërkuar që ky ligj të tërhiqet edhe zyrtarisht nga propozuesit, dhe jo të përfundon në labirintet e kuvendit, si Ligji i “Branitellave”. Në të kundërtën, partia e Zaevit ka paralajmërar se nuk do të vazhdojë negociatat për Kodin Zgjedhor dhe do ta llogarisë si të dështuar Marrëveshjen e Përzhinos. Kjo, sipas informatave jozyrtare nga opozita.
Propozim-ligji i propozuar nga koalicioni në pushtet VMRO-BDI mbi ndalimin e mëtutjeshëm të bombave me bisedat e përgjuara, është komentuar ashpër pothuajse nga të gjithë opinionistët në Maqedoni.
Sipas kryeredaktorit të Alsat-M, Muhamed Zekirit, VMRO-DPMNE dhe BDI kanë luajtur mendsh komplet meqë kanë propozuar një ligj që ka dhe forcën e një moratoriumi ndaj mediave për t’ua ndaluar atyre si publikimin e atyre “bombave” që ende nuk kanë shpërthyer e si ato të shpërthyera tashmë prej muajsh. Ai në profilin e tij në facebook ka shkruar: “ALOOO DIKTATUR”. Ali Ahmeti ishte ai që deklaronte pubikoni gjithcka cka keni për ne, madje edhe bisedat private. Tash BDI kërkon me ligj të ndalohet publikimi i të njejtave . Prej cka po frigoheni o JU të zgjedhurit e POPULLIT??”.
Ndër reagimet më të ashpra ka qenë shkrimi i gazetarit Xhelal Neziri, i cili ka thënë se nëse miratohet ligji, do të kërkojë azil në vendet e BE-së.
“KY AUTOGOL NUMEROHET SI TRE. Ligji i propozuar në Parlament: Kush e vjedh popullin dhe pronën e tij, normal bëhet i pasur! Kush i tregon popullit se kush është hajni – dënohet me burgim deri më 10 vite! Nëse kalon ky ligj, publikisht do të kërkoj azil në ndonjë vend të BE-së! Ose do të përzihem me refugjatët e Sirisë”, shkruan gazetari Xhelal Neziri në facebook.
Gjatë së martës është paralajmëruar se do të mbahet protestë para Parlamentit në mënyrë që qytetarët të shprehin revoltin e tyre kundër ligjit të BDI-së dhe VMRO DPMNE-së. “Stop censurës”; “Nuk e japim TË VËRTETËN”; “Stop për ligjet fashiste”, janë disa nga thirrjet që qëndrojnë në rrjetin social Facebook, ku bëhet thirrje për të kundërshtuar ligjin i cili ndalon publikimin e materialeve nga “bombat” opozitare.
Protesta do të fillojë në orën 18:00.
/tesheshi.com/
