Vatikani ka reaguar ndaj disa shfaqjeve blasfemike në hapjen e Lojrave të Parisit, duke e bërë këtë ditë pas ceremonisë, në kohën kur e gjithë vëmendja është të garat, medaljet e jo më te “Darka e Fundit” e variantit francez me djaj.
“Selia e Shenjtë shpreh keqardhjen e saj për disa skena të ceremonisë së hapjes së Lojërave Olimpike të Parisit dhe nuk mund të mos bashkojë zërin e saj me ata që janë ngritur ditët e fundit për të dënuar fyerjen ndaj shumë të krishterëve dhe besimtarëve të feve të tjera. Në një ngjarje prestigjioze ku i gjithë planeti është i bashkuar rreth vlerave të përbashkëta, nuk duhet të ketë insinuata që tallen me besimet fetare të shumë njerëzve. Liria e shprehjes, e cila sigurisht nuk vihet në dyshim, i plotëson kufijtë e saj në respektimin e të tjerëve”.
Në Itali, shumë komentues theksojnë, megjithatë, se Selia e Shenjtë zgjodhi të trajtojë të gjithë çështjen disa ditë pas ceremonisë së hapjes së Lojërave Olimpike të Parisit dhe pa ndërhyrjen e drejtpërdrejtë të Papa Françeskut.
Dhe vërtet, ku është zëri i vetë kryekatolikut të botës për turpet që ndodhën në Paris? /tesheshi.com/
