Analisti izraelit Gideon Levy kritikoi politikën aktuale të SHBA-së ndaj Izraelit, duke thënë se është koha që Uashingtoni të ndryshojë politikën e tij ndaj qeverisë së kryeministrit Benjamin Netanyahu.
Ai beson se është e nevojshme të ndalet politika e “karotës” dhe të kalohet në politikën e “shkopit”, në dritën e protestave kundër reformave në drejtësi që Netanyahu dëshiron të miratojë.
Levy shkroi në një artikull në gazetën izraelite Haaretz se, pasi analizoi bisedën midis Presidentit Joe Biden dhe Thomas Friedman, një kolumnist amerikan për The Neë York Times (NYT), është e vështirë të dihet nëse duhet të qash apo të qeshësh.
Dikush mund të qajë për pafuqinë dhe padobinë e një superfuqie si Shtetet e Bashkuara të Amerikës kur bëhet fjalë për të mbrojturin e saj, Izraelin, ose qesh me rolet e kundërta të elefantit dhe milingonës.
Vazhdojnë protestat kundër përpjekjeve të qeverisë së Benjamin Netanyahut për të miratuar një sërë ligjesh që protestuesit i shohin si goditje ndaj legjitimitetit dhe demokracisë.
Në të njëjtën kohë, ka thirrje gjithnjë e më të zhurmshme për të refuzuar anëtarësimin në ushtri dhe shërbimin e detyrueshëm rezervë.
Pogromi kundër palestinezëve dhe vazhdimi i aparteidit
Levy shtoi se Uashingtoni duket se nuk ka mësuar asgjë për mënyrën e vetme për të ndikuar në Tel Aviv, dhe gjithashtu duket se Izraeli vazhdon të mashtrojë një aleat të madh.
Ai shpjegon se rezultati në të dyja rastet është i njëjtë, që është se Tel Avivi vazhdon të bëjë atë që dëshiron për miratimin e ligjeve antidemokratike, kryerjen e “pogromeve kundër palestinezëve dhe vazhdimin e politikës së aparteidit”, pa hequr gishtin nga SHBA-të.
Levy tha se Tel Avivi nuk po i merr seriozisht akuzat dhe kërcënimet e Uashingtonit, duke vënë në dukje se Biden është i aftë të lavdërojë demokracinë izraelite, por nuk thotë asnjë fjalë se çfarë do të bëjë vendi i tij nëse Izraeli nuk i përgjigjet thirrjes së tij.
Izraeli është mësuar të injorojë mesazhe të tilla me kalimin e viteve, ndaj Uashingtoni duhet të “fillojë të gjuajë”, siç thotë thënia amerikane, për të ndikuar në aleatin e tij.
Levy theksoi se ka ardhur koha për “shkopin”, pasi u tregua dështimi i politikës së “karotës”.
Ai e bëri të qartë se pa “paguar çmimin, asgjë nuk do të ndryshojë”.
Ata që besojnë se Izraeli duhet t’i zgjidhë problemet e veta duhet të pranojnë se ky eksperiment ka dështuar dhe është i pashpresë, tha ai.
Ai thekson se superfuqia është përgjegjëse për realitetin aktual në rajon, prandaj ndërhyrja është detyrë e saj.
Kolumnisti izraelite thotë se Uashingtoni ka të drejtë të mbështesë Tel Avivin, por pse nuk vendos kushte konkrete dhe të qarta për këtë mbështetje.
SHBA duhet t’i ndalë “llafet e kota”
Sa herë që SHBA dëshiron të ushtrojë ndikim, ajo e di saktësisht se çfarë duhet të bëjë, dhe kjo është të ndalojë “muhabetin e kotë”.
Parlamenti izraelit është planifikuar të mbajë një seancë më vonë në korrik për të votuar mbi reformën gjyqësore në leximin e dytë dhe të tretë, dhe nëse miratohet, ajo do të bëhet ligj.
Klauzola e “parimit të arsyeshmërisë” është një nga mjetet procedurale të disponueshme për sistemin gjyqësor në Izrael, veçanërisht për gjyqtarët e Gjykatës së Lartë, përmes së cilës Gjykata e Lartë ushtron kontroll gjyqësor mbi punën e degëve të ndryshme të pushtetit ekzekutiv, të përfaqësuar nga qeveria, ministritë dhe organet zyrtare të saj.
Reformat në drejtësi do t’i japin qeverisë kompetenca më të gjera për të emëruar gjyqtarë dhe do të ndikojnë gjithashtu në emërimin e ministrave.
Me Netanyahun që gëzon një shumicë të rehatshme në Knesset, kundërshtarët shpresojnë se një valë e re protestash do të ndihmojë në shuarjen e projektligjit përpara një votimi përfundimtar javën e ardhshme. /tesheshi.com/
