I ashtëquajturi “beu i jugut” nga opozita e djathtë, Koço Kokëdhima është përballur së fundi me një sërë kritikash nga kolegë të tij deputetë.
Siç bëhet me dije nga disa media, në një mbledhje deputetësh pasditen e së martës, Kokëdhima ka marrë kritika si koordinator i jugut nga sekretari i përgjithshëm Gramoz Ruçi, si dhe nga kolegët deputetë të jugut, Fatmir Toçi dhe Valentina Leskaj.
Ndaj tij janë shprehur pakënaqsi ndaj vonesave në përgatitjet për kongresin e afërt të PS-së, por dhe për mosbashkëpunim me kolegët.
Kujtojmë që Kokedhima u përzgjodh për të qenë deputet i Sarandës në zgjedhjet e 23 qershorit, pasi u shmang emri i Arben Malajt.
Emri dhe protagonizmi i tij kanë hasur kundërshti dhe nga brenda rradhëve të PS-së, por që jo deri në atë pikë sa të ketë një rebelim të brendshëm. Ai cilësohet dhe si i plotfuqishmi i Ramës për jugun e vendit. /tesheshi.com/
