Ministria e Shëndetësisë e Austrisë sqaroi se personat që u vaksinuan jashtë vendit me vaksinën ruse ose kineze nuk do të trajtohen si të vaksinuar pa një test negativ.
Vaksinat e pa aprovuara nga Agjencia Evropiane e Barnave (EMA), të tilla si Sputnik V e Rusisë dhe Sinopharm e Kinës, nuk do të lejohen në “pasaportën e gjelbër”, të cilën Austria po e fut si një “biletë” për restorantet, pishinat dhe hotelet.
Të gjithë ata që janë vaksinuar jashtë vendit me këto vaksina do të duhet të testohen para se të përdorin “liritë” që do të ndodhin me lehtësimin e masave nga 19 maj, tha ministria.
Ministria gjithashtu nuk këshillon njerëzit që janë vaksinuar me vaksina ruse ose kineze që të ri-vaksinohen në Austri.
Përndryshe, “pasaporta e gjelbër” do të përmbajë prova të vaksinimit, një test negativ dhe provë të një historie të COVID-19.
“Vetëm vaksinat e aprovuara nga EMA, të tilla si BioNTech-Pfizer, Moderna, AstraZeneca dhe Johnson & Johnson, do të jenë të vlefshme si provë e vaksinimit,” tha ministria.
Meqenëse shumë qytetarë që jetojnë në Austri e shfrytëzuan rastin të vaksinohen në Austri, nëse e bënin këtë me Sputnik ose Sinofarm, siç tha ministria, ata nuk do të jenë në gjendje të fusin këto vaksina në “pasaportën e gjelbër” dhe nuk do të trajtohen të vaksinuar. Pra nuk do të jetë në gjendje të gëzojë të drejtat e të vaksinuarve.
“Një gamë e gjerë testimi është gjithashtu në dispozicion për njerëzit që janë vaksinuar vullnetarisht me një vaksinë që nuk është miratuar në BE,” i tha APA Ministri i Shëndetësisë Wolfgang Muckstein.
“Ne nuk mund të rekomandojmë që këta njerëz të vaksinohen me një vaksinë tjetër të aprovuar nga EMA. Nuk ka të dhëna të mjaftueshme shkencore për diçka të tillë “, paralajmëroi Muckstein. /tesheshi.com/
