Valixhet janë gjithmonë një problem dhe bezdisje, sidomos kur udhëtohet nëpër aeroporte të mëdha e ku numri i udhëtarëve është i madh. Të paktën herën tjetër kur të niseni për udhëtim, merrni masa dhe ndiqni këshillat e mëposhtme:
Mos harroni të hiqni etiketat e vjetra
Valixhet kur kalojnë në kargo kontrollohen nga disa detektorë dhe mund të ndodh që këto pajisje të njohin bar kodin në etiketën e vjetër dhe ta dërgojnë valixhen drejt vendit të fundit që keni udhëtuar. Kjo mund të kuptohet kur sapo je kthyer nga një udhëtim dhe do nisesh për një tjetër dhe ndërkohë valixhja të është bërë si një pazëll plotë me bar-kode dhe punonjësja e kontrolleve duhet t’i heqë.
Shëno një emër në valixhe
Mund të përdorni ndonjë etiketë ngjitëse apo mjete të posaçme për të vendosur emrin tuaj, të paktën siç e keni në media socialesidhenjëadresë e-maili. Në rast se humbet mund të jetë më e lehtë t’ju kontaktojnë përmes të dhënave në valixhe.
Qëndroni larg vendpritjes së valixheve
Na ka ndodhur të gjithëve kushedi sa herë që kemi endur pas një valixheje duke menduar se është e jona. Bëni ca hapa pas për ta dalluar më mirë valixhen tuaj.
Bëji një selfie
Bëjini vetes me valixhen në sfond. Nuk i dihet, ndoshta mund t’ju shërbejë si provë. Dhe në rast humbje kur ta denonconi mund të jeni në gjendje të jepni edhe detaje që mund të ndihmojnë në gjetjen.
Mundohuni të udhëtoni me vetëm me valixhe dore
Valixhet e dorës janë ato valixhet 8 kilëshe, trolley. Nëse do të udhëtoni vetëm për një fundjavë, mirë është të merrni valixhen e dorës dhe ta ndani peshën edhe në një çantë shpine. Në këtë mënyrë do të evitoni rradhat dhe pritjet në aeroporte për dorëzim dhe tërheqjen e valixhes.
Blini një GPS për valixhen
Ndoshta nuk do ju ndihmojë në gjetjen e valixhes, por të paktën do jeni të informuar për çdo zhvendosje të saj. Nëse mbërrin më herët se ju mund të nxitoni, dhe nëse e shihni që ende nuk ka ardhur mund ta merrni me qetësi.Mund t’ju shërbejë edhe nëse dikush ua merr padashje valixhen. /tesheshi.com/
