Nga: Ylli PATA
Analisti i njohur Amerikan Robert Hand, i cili është referees shumë influent në Kongresin e SHBA dhe Departamentin e Shtetit, deklaroi në një intervistë për Zërin e Amerikës se në Shqipëri është instaluar një “kastë politike” që është “çimentuar” që nga viti 1990 dhe nuk lëviz. Hand deklaroi se këta duhet të largohen nga politika.
“Në nivele më të ulëta, si p.sh. disa nga parlamentarët që kanë qenë të dënuar penalisht në vitet ’90-të kur gjërat ishin më kaotike, tashmë kanë ngjitur shkallët dhe janë rrënjosur në sistem. Pra, ende përballemi me trashëgiminë e së kaluarës. Do të thotë që ndoshta ka pak progres, ka mundësi që krijohen me ndryshimin e gjeneratave, por nuk mund të ndodhë vetiu.
Do të thotë që ende duhet të jemi vigjilentë, duhet të flasim hapur. Mendoj se këtë ka bërë SHBA-ja dhe BE-ja në Shqipëri dhe e mbështes këtë gjë me gjithë zemër. Të përfitojmë nga kjo mundësi e re që ta detyrojmë qeverinë të bëhet më e përgjegjshme duke thënë se nuk duhet të ketë në listat e saj partiake njerëz që janë dënuar për trafik droge, apo trafik qeniesh njerëzore, dhe gjëra të tilla. Ndoshta dua të shmang fatalizmin duke thënë që asgjë s’ka ndryshuar. Mendoj se ka mundësi të reja”,- u shpreh Hand.
Duke i bërë një radiografi kësaj deklarate shumë të rëndësishme, vëmë re se këta politikanë që Hand i quan “Kastë” janë në të dy krahët e politikës, ku politikanë edhe pse shijojnë të gjitha postet e mundshme nuk shkulen nga politika.
Duke marrë për bazë këtë deklaratë po bëjmë një listë të mundshme emrash që kanë qenë në poste kyçe në PPSH apo organizatën e Rinisë apo edhe në supestrukturë dhe tani janë “ngulur”. Lista në fakt është mjaft e gjatë dhe duhet pasuruar edhe më rudimentet apo produktet e kastës, por ne po hapim vetëm disa prej njerëzve kryesorë që janë ngjitur në politikë që prej vitit 1990 duke marrë poste mas postesh por nuk hapin krahun.
Lista
PS
Gramoz Ruçi (ish-zyrtar i PPSH dhe politikan pa ndërprerje prej 25 vjetësh)
Namik Dokle (ish-zyrtar i PPSH-së dhe politikan pa ndërprerje prej 25 vjetësh)
Fatmir Xhafa (ish-zyrtar i lartë i BRPSH-së dhe politikan prej 20 vjetësh)
Koço Kokëdhima (ish-zyrtar i lartë i BRPSH-së dhe biznesmen e botues prej 20 vjetësh)
Anastas Angjeli (politikan prej 25 vjetësh)
Arta Dade (politikane prej 25 vjetësh)
Bashkim Fino (politikan prej 25 vjetësh)
PD
Sali Berisha (ish-drejtues organizate i PPSH-së, President, kryeministër prej 25 vjetësh)
Kastriot Islami (tre herë ministër dhe një herë kryetar kuvendi, politikan prej 20 vjetësh)
Genc Ruli (tre herë ministër dhe politikan prej 25 vjetësh)
Ridvan Bode (dy herë ministër dhe politikan prej 25 vitesh)
Arben Imami (tre herë ministër politikan prej 25 vitesh)
LSI
Ilir Meta (Kryeministër, zv.kryeministër, ministër, politikan prej 25 vitesh)
Spartak Braho (ish-zyrtar në Kohën e PPSH-së, politikan prej 25 vjetësh)/tesheshi.com/
