“Nëse Greqia do të duhet të largohet nga Eurozona, të parat që do të lënë monedhën e përbashkët do të jenë Spanja e Greqia”,- ka thënë ministri grek i Mbrojtjes Panos Kammenos gjatë një interviste të dhënë për tabloidin gjerman “Bild”, të publikuar gjatë ditës së sotme.
“Nëse Greqia “shpërthen”, atëherë të radhës që do të largohen nga eurozona do të jenë Spanja dhe Italia, e më pas në një moment të dytë, Gjermania, ndaj është e nevojshme të gjejmë një zgjidhje të përbashkët dhe kjo nuk mund të realizohet duke vijuar me pagesat e grekëve”, ka thënë ministri, sipas së cilit Greqia nuk ka nevojë për një plan të tretë shpëtimi, por për një “falje të ngjashme me atë që ka pasur Gjermania në vitin 1953 në lidhje me borxhin e saj ndaj Londrës”.
Duke folur për ministrin gjerman të financave, Wolfgang Schaeuble, ministri grek i mbrojtjes ka thënë: “Nuk e kuptoj se përse drejtohet kundër Greqisë çdo ditë me deklarata të reja. Është si një lojë psikologjike dhe Schaeuble është duke “helmuar” marrëdhëniet mes dy vendeve në këtë mënyrë”./tesheshi.com/
