Rëndësia e bishtajave është e njohur nga të gjithë edhe prej rolit që luajnë si zëvendësuese të mishit. Për një regjim ushqimor të shëndetshëm është shumë e rëndësishme të synohen ushqime të stinës, të freskëta dhe të shëndetshme.
Bathët janë një prej ushqimeve që nuk përdoren shpesh, por në fakt ato janë të pasura me kripëra të shumta minerale dhe përmbajnë një sasi të madhe hekuri. Ndër të tjera ulin nivelin e kolesterolit, përmbajnë shumë elementë ushqyes dhe ndihmojnë në përmirësimin e shëndetit kardiovaskular.
Janë shumë të mira edhe sepse përmbajnë proteina dhe stimulojnë ndjesinë e ngopjes. Në sajë të elementëve që përmbajnë, konsumi i bathëve ndihmon në funksioninim e sistemit nervor, përveçse lufton dhe parandalon osteoporozën.
Bathët përmbajnë vitaminë B1 e cila furnizon organizmin me energji, ndërsa vitamina A garanton një lëkurë të lëmuar dhe të shëndetshme, si dhe ndihmojnë për të përmirësuar shikimin.
Një tjetër veti e tyre është se parandalojnë diabetin, për shkak se arrijnë të ekuilibrojnë nivelin e sheqerit në gjak. /tesheshi.com/
