Tragjedia e Nepalit nuk ka kursyer të mëdhenj e të vegjël. Ndërsa të shumtë kanë qenë viktimat, siç ka raportuar tesheshi.com gjatë këtyre ditëve, nuk kanë munguar as rastet e shpëtimit dhe të mrekullive.
Të tillë janë këta dy vogëlushë, të cilët i kanë rezistuar tragjedisë, edhe pse nuk dihet ende asnjë gjë në lidhje me fatin e familjarëve dhe prindërve të tyre.
E meriton të quhet fotografia e shekullit për vetë subjektin që përmban. Në të shfaqen vëlla e motër, të dy të mitur, të përqafuar me njëri-tjetrin.
Edhe pse janë tërësisht të vetëm e të mbuluar nga pluhuri, ai, më i madh se ajo, ka ditur të mbrojë të motrën, duke treguar kështu, në një farë mënyre, edhe dhimbjen e vuajtjen e madhe të popullit nepalez gjatë këtyre ditëve të fundit./tesheshi.com/
