Nga Donat Maloku
Udhëheqësit e institucioneve të Kosovës ka kohë që janë zotuar se Forca e Sigurisë së Kosovës do të shndërrohet në Forca të Armatosura. Por, diçka e tillë nuk ka ndodhur ende, duke mbetur deri më tani një premtim i parealizuar.
Qeveria e Kosovës nuk ka arritur të dërgojë në Kuvend propozimin për ndryshime kushtetuese, që do të lejonte krijimin e ushtrisë së Kosovës.
Është partneri i koalicionit Lista Serbe, e cila publikisht ka thënë se nuk do ta votojë FAK-un.
Duke pasur parasysh refuzimin e ‘Srpska’-s, institucionet e Kosovës do ta kenë tejet të vështirë ta bindin këtë parti që dirigjohet direkt nga Beogradi të votojë për shndërrimin e FSK-së në FAK, pa i plotësuar kushtet që ata mund t’ua vënë institucioneve.
Ekspertët e sigurisë fajin kryesorë pse sot Kosova nuk ka ushtri ia hedhin partive politike shqiptare. Ata thonë se edhe nëse ‘Srpska’ e përkrah formimin e FAK ut , ata do të kërkojnë që ushtria e Kosovës të mos ketë të drejtë të lëvizë në pjesët e Kosovës që janë të banuara me serbë.
Derisa, deputetë opozitarë thonë se qeveria po bën lojë me ushtrinë e Kosovës dhe se e ka sjellë vendin në një pozitë ku duhet pyetur Beogradi nëse duhet të kemi ushtri apo jo.
Naim Maloku, ekspert i sigurisë, në një prononcim për portalin “Te Sheshi”, ka thënë se kushtëzimi që po bën Lista Serbe për formimin e FAK-ut nuk është diçka e re. Ai thotë se fajtore dhe përgjegjëse pse vendi ynë nuk ka sot ushtri janë partitë shqiptare në mandatin e kaluar të Kuvendit të Kosovës.
“Nëse ju kujtohet partitë serbe që ishin në atë mandat në Kuvend dhe pjesë e koalicionit qeverisës kërkonin edhe një mandat shtesë për vende të rezervuara në këmbim për votën e tyre pro formimit të FAK ut. LDK, VV dhe AAK ishin kundër asaj marrëveshjeje. E ardhmja e FAK-ut varet nga e ardhmja e Ballkanit Perëndimor, pra a do të integrohen Serbia, Bosnja e Hercegovina, Maqedonia, Mali i Zi dhe Kosova në NATO. Tek nëse kjo ndodh atëherë brenda NATO-s do të përcaktohet struktura e sigurisë së kësaj pjese dhe në kuadër të saj edhe ushtritë e këtyre vendeve. Fajtore dhe përgjegjëse pse nuk e kemi sot FAK-un janë partitë shqiptare në mandatin e kaluar të Kuvendit të Kosovës”, ka deklaruar Maloku.
Avni Islami, ekspert i shkencave të sigurisë, ka deklaruar për portalin “Te Sheshi”, se problemet që po i sjell Lista Serbe (parti me orientim ncionalist) , në Kuvendin e Kosovës do ta përcjellin vendin tonë edhe për një kohë të gjatë. Ai thotë se për forminin e Forcave të Armatosura të Republikës së Kosovës duhet të bëhen ndryshime kushtetuese , dhe kjo sipas tij mund të bëhet vetëm edhe me pëlqimin e minoritetit serb.
Islami thotë se janë dy aryse pse serbët po e kundështojnë me ngulm formimin e FAK ut.
“Janë dy arsye, e para se ; Kosova rrezikohet dhe do të jetë në rrezik permanent nga shteti hegjemonist serb, i cili vazhdimisht do të mundohet ta fut në administim Kosovën apo edhe ta pushtoi në mënyrë klasike. Një ushtri funksionale dhe e anëtarsuar në NATO , është e papranueshme për Serbinë dhe serbët e Kosovës, prandaj, përfaqësuesit e listës ‘Srpska’ do të mundohet deri në fund të bllokojnë këtë iniciativë. Në anën tjerët edhe nëse ndodh që të dakordohet për formimin e FAK-ut ata do të krëkojnë kushtëzime të dhimbshme sa që Kosova de fakto do të shnëdrrohej në Kantone. Formimi i Asociacionit të Komunave serbe me funksione ekzekutive dhe të shkëputura nga Prishtina zyrtare , nuk ka se si të thuhet ndryshe veq se ajo pjesë e Kosovës nuk do të jetë nën adminstimin e Kosovës . Madje edhe nëse e përkrahin formin e FAK ut , ata do të kërkojnë që Ushtria e Kosovës të mos ketë të drejt të lëvizë në pjesët e Kosovës ku janë të banuara me serb. Mendoi se edhe viti 2015 do të na gjej pa FAK-un e për Kosovën çdo ditë e humbur është e teper për ne”, ka deklaruar profesori i sigurisë Islami.
Deputeti i Lëvizjes “Vetëvendosje”, Rexhep Selimi, në seancën e Kuvendit të mbajtur të enjten ka akzuar Qeverinë e Kosovës se po bën pazare me Listën Serbe për ushtrinë e Kosovës, derisa ka kërkuar që sa më parë të themelohen Forcat e Armatosura të Kosovës.
“Qëllimi i qeverisë është i qartë ata e kanë futur FAK-un në një lojë të keqe me Listën Serbe, është pazar i rëndë për Kosovën. Kjo qeveri e ka sjellë vendin në një situatë ku duhet pyetur Listën Serbe a do të kemi apo jo ushtri”, ka deklaruar Selimi.
Kryeministri Isa Mustafa, kohë më parë përmes një postimi bërë në Facebook ka mohuar se Lista Serbe po kushtëzon Qeverinë për krijimin e ushtrisë, duke thënë se nuk kanë asnjë kushtëzim për këtë transformim.
Presidentja Atifete Jahjaga, si dhe ish – kryeministri në detyrë, Hashim Thaçi, me rastin e shënimit të “Ditës së Forcës”, vitin e kaluar ishin zotuar se shumë shpejt Forcat e Sigurisë së Kosovës (FSK) do të transformohen në Forca të Armatosura.
Ndryshe, katër kushtet për të cilat ishin dakorduar para formimit të koalicionit me Lista Serbe me PDK-në dhe LDK-në, sipas mediave janë: formimi i asociacionit të komunave serbe, që ky asociacion të emëroi zëvendësdrejtorin e Agjencisë Kosovare të Intelegjencs (AKI), zëvendëskomandanti i FAK-ut të jetë nga radhët e komunitetit serb, si dhe kërkesë e ‘Srpska’ është të ndalet privatizimi nëpër komuna përfshirë këtu edhe Brezovicën dhe Trepçën. /tesheshi.com/
