Presidenti i Real Madridit, Florentino Perez ka deklaruar se ai dëshironte të ndalonte largimin e portierit Iker Casillas. Ai i tha këto fjalë në ceremoninë e lamtumirës të organizuar nga Reali për Casillasin, i cili do të transferohet tek Porto, pas 25 vitesh karrierë tek “Mbretërit”.
“Po largohet portieri më i mirë në historinë e Real Madridi. Ikeri po largohet sepse ishte dëshira e tij. Askush nga Real Madridi nuk i ka thënë të largohet. E kuptoj Casillasin që dëshiron të nisë një fazë të re. Unë doja që ai karrierën ta mbyllë në Real, por e kuptoj, e kuptoj”, tha Perez.
“Tifozët e Reali do ta pranojnë si njërin nga lojtarët më të rëndësishëm në historinë e klubit. Unë kisha marrëdhënie shumë të mira me të”, shtoi ai.
Pikërisht, Perez thuhet se dëshironte largimin e tij. “Është e vështirë të gjej një lojtar që ka kaluar 25 vjet në Real”.
Casillas: Do ta bart emrin e Realit kudo që shkoj
Fjalën e mori edhe Iker Casillas, i cili u shpreh i emocionuar.
“I falënderoj të gjithë tifozët e Madridit, të cilët gjithmonë më kanë përkrahur mua. Nëse ata i kam dëshpëruar ndonjëherë, ndjej keqardhje. Unë i mbaj kujtim momentet më të mira me rastin e fitimit të titujve. Unë do të mundohem të bart emrin e Realit kudo që shkoj”, tha Casillas. /tesheshi.com/
