BBC ka publikuar çmimet e biletave për ta parë një ndeshje futbolli në Premier Ligën angleze në sezonin 2015/16. Dhe del që Arsenali të jetë skuadra që ka shifrat më të larta sa i përket blerjes së një bilete për ta parë nga afër.
Për ta ndjekur skuadrën londineze, një biletë vjetore mund të kushton deri 2,013 funta. Ndërkohë, për dallim ndaj tyre, bileta më e shtrenjtë e skuadrës modeste Stoke City, shkon deri në 294 funta.
Madje, vetëm një skuadër tjetër në Europë ka çmimin më të lartë të biletave se Arsenali. Është franceze Paris SG që mban primatin sa i përket biletës më të shtrenjtë vjetore, 2,133 funte.
Për këtë arsye, nuk janë të pakta rastet kur tifozët e “topçinjëve” ankohen për çmimet e larta të biletave për ta ndjekur skuadrën nga shkallët e stadiumeve.
Mesatarja në Angli e një bilete për një ndeshje, shkon në 97 funta. /tesheshi.com/
