17 vjet më parë në Tiranë është vrarë kolonel Ahmet Krasniqi, ish-ministër i Mbrojtjes së Republikës së Kosovës në Ekzil.
Edhe pas gjithë këtyre viteve, vazhdon të shtrohet pyetja: Kush e vrau kolonelin? Autorët e vrasjes nuk u zbuluan kurrë.
E gjitha çfarë bëjnë insitucionet e Republikës së Kosovës është organizimi i Akademisë Përkujtimore. Por, kjo nuk mjafton. Familjarët janë në pritje, ata duan të dinë autorët se kush ua vrau babain…
Se akademia përkujtimore nuk mjafton e thotë edhe deputeti i LDK-së Adem Salihaj. Ai ka një përgjigje se kush e vrau ish ministrin e Mbrojtjes, por qw mw tepwr se emra ka konkretw, ka patetizwm patriotik: “U vra nga tradhëtarët e kombit në një atentat në Tiranë”.
Ai thotë se institucionet e Kosovës , përveç akademive përkujtimore të zbehta,nuk bënë asgjë më tepër.
Salihaj shprehet se askush nuk mund të lahet se në këtë mënyrë po e lan borxhin ndaj tij. “Ahmet Krasniqi,përpara se për një përkujtim,ka nevojë që ta ketë një varr në Republikën e Kosovës dhe një varrim dinjitoz e me nderime,siç duhet të varroset me nderime një ministër i mbrojtjes. Ahmet Krasniqi ka nevojë që t’i njihet statusi i njeriut që dha jetën për lirinë dhe pavarësine e Kosovës. Ahmet Krasniqi , si dhe shumë te tjerë, ka nevojë që të zbardhet vrasja e tij, që kriminelët të dalin para drejtësisë dhe ta marrin dënimin e merituar për krimet e bëra. Akademia përkujtimore nuk mjafton”, thotë Salihaj me rastin e 17-vejtorit të vrasjes së kolonel Krasniqit.
Edhe 17 vjet pas vrasjes, Ahmet Krasniqi ende nuk ka një varr në Kosovë, në vendlindjen e tij.
Kolonel Ahmet Krasniqi u vra në mes të Tiranës, më 21 shtator të vitit 1998, pak para mesnatës. Trupi i tij prehet në varrezat e Sharrës, në Tiranë. /te sheshi.com/
