Partia e Haradinajt kërkon me ngulm nga qeveria që që me urgjencë të procedohet ligji për FAK–un, ushtrinë e Kosovës, duke e shoqëruar këtë me kërkesën për shpjegime të drejtpërdrejta nga kryeministri Mustafa dhe ministri Demolli, se për çfarë arsyeje nuk po e procedojnë këtë projektligjin në Kuvend. Më kon konkretisht, AAK kërkon nga Kuvendi që menjëherë ta themelojë Ushtrinë e Kosovës para sesionit vjeshtor, sepse siç shprehet, ndryshe preferencat e Listës Serbe, përkatësisht asosacionit politik serb, do t’i rrisin apetitet e tyre të pengimit dhe instrumentalizimit të mëtutjeshëm.
Kjo forcë politike pretendon se qeveria Mustafa-Thaçi po e neglizhojnë këtë sektor kyç të sigurisë dhe mbrojtjes dhe këtë e shpreh me disa pika, ku mëshon fort kritikës opozitare, si: Qeveria po e humbë sensin strategjik për të themeluar FAK-un; Qeveria, me këtë neglizhencë të papranueshme dhe paaftësi, krijon përshtypjen se po tallet me të ardhmen e Forcave të Armatosura të Kosovës dhe me sigurinë nacionale të Kosovës; Kualiteti i dobët i qeverisjes, njëherit paaftësia e tyre për të negociuar “çështjet e panegociushme”, ka bërë që zyrtarë të lartë të Serbisë dhe të Kosovës të ironizojnë dhe të luajnë me fatin e FAK-ut, duke u faktorizuar si përcaktues etj. /tesheshi.com/
