Fatmir Xhafa dhe Eduard Halimi, që të dy ish-ministra të Drejtësisë kanë firmosur sot një komisioni parlamentar që do të hartojë reformën në drejtësi; përkatësisht përbërjen e KLD që shkarkon dhe emëron gjykatësit dhe mandatin e Gjykatës së Lartë.
E arritur me ndërmjetësimin aktiv të partnerëve amerikanë dhe europianë, marrëveshja nuk parashikon të drejtën e vetos për opozitën, siç kërkonte ajo disa muaj më parë, por palët kanë rënë dakord që në komisionin e posaçëm të ushtrohet parimi i paritetit, ku mazhoranca dhe opozita do të kenë përfaqësim të barabartë në komision, secili nga 5 anëtarë. PS-ja është tërhequr nga shumica e numrave në komision, por mazhoranca ka ruajtur epërsinë e votave nëpërmjet ushtrimit të fuqisë së votës së dyfishtë të kryetarit, i cili ka rënë dakord të mos e përdorë në disa raste të veçanta, të kërkuara edhe më herët nga opozita dhe që kanë të bëjnë kryesisht me ekspertizën e ligjeve.
“Përjashtimisht në rastet kur rezultati është i barabartë, vota e kryetarit të komisionit është vendimtare, duke respektuar në çdo vendimarrje standardet ndërkombëtare të transparencës dhe gjithëpërfshirjes në kosultim me ekspertizën ndërkombëtare, përfshirë edhe Komisionin e Venecias”, kryetari i komisionit të ligjeve Fatmir Xhafaj.
Kurse deputeti i PD-së, Eduard Halimi, tha se “duke pasur parasysh që procesi të përputhet me standaret europiane, kryetari nuk do të përdorë votën e dyfishtë. Pra, do të ketë një respektim të padiskutueshëm të këtyre standardeve. Për këtë ne kemi rënë dakord”. Partnerët ndërkombëtarë presin që dy palë mosbesuese ndaj njëra-tjetrës të punojnë së bashku për reformën në drejtësi. Fjala konstruktivitet u përdor si nga socialistët edhe nga demokratët.
“Unë shpresoj dhe dëshiroj të besoj se roli i opozitës në këtë proces do të jetë konstruktiv”, u shpreh Xhafaj.
“Kjo është një reformë shumë e rëndësishme dhe për herë të parë këtë vit është bërë pjesë e procesit konstruktiv të reformës në drejtësi. Ne shpresojmë, që së bashku me komisionin tjetër që ka të bëjë me dekriminalizimin, të ecin në mënyrë të barabartë”, tha Halimi. Ndërkaq, asnjë përfaqësues i LSI-së, si forcë e tretë politike nuk është prononcuar me këtë reformë, pas së cilës pritet të nisë një falë arrestimesh zyrtarësh të lartë të ekzekutivit apo gjyqësorit.
Kryeministri, Edi Rama, ka deklaruar në mbledhjen e grupit parlamentar të PS-së se nuk do të ketë afrim në BE-në, nëse nuk bëhet sa më shpejt reforma në drejtësi.
PS-ja ka nisur edhe një fazë të fuqishme të hapjes së Partisë Socialiste duke rritur anëtarësimin në mënyrë që të mos ketë firim të elektoratit.
“Reforma në drejtësi është reforma që ndan fatet mes nesh dhe Bashkimit Europian këtë vit”, tha Rama. Kreu i PS-së dha vetëm këtë koment për reformën në fjalë: “Reforma në drejtësi o bëhet, o s’bëhet”. Rama i ka hedhur një sfidë opozitës duke i kërkuar që ta bëjnë bashkë reformën në drejtësi, duke bashkuar votat PS dhe PD, bashkëpunim që mund të sjellë një numër të madh votash në Kuvend. Nëse PD nuk do ta pranonte atëherë do të votohej vetëm mazhoranca aktuale PD+LSI+PDIU. Pranimi i variantit PD+PS pritet të të ketë hartim të reformës ose ndarjen e emërimeve në KLD: gjysëm mazhoranca dhe gjysëm presidenti që i takon opozitës. Kryetari i republikanëve, Fatmir Mediu, një nga figurat kryesore të opozitës, ka deklaruar në një intervistë për MAPO-n se çdo tentativë e PD-së për t’iu kthyer koalicionit me LSI-në do të ishte pazar dhe sugjeronte një bashkëpunim me PS-në. /tesheshi.com/
